رونالدۋ عالامات گول سوققان ويىندا رەكورد ورناتتى

فۋتبولدان ۇلتتار ليگاسىندا پورتۋگاليا قۇراماسى پولشانى 5:1 ەسەبىمەن ۇتتى. ويىندا رونالدۋ دۋبل جاساپ، عالامات گولىمەن جانكۇيەرلەرىن قۋانتتى، - دەپ حابارلايدى msports.kz سايتى.

39 جاستاعى شابۋىلشى ءبىرىنشى گولىن پەنالتيدەن ءساتتى ورىنداپ شىقسا، ەكىنشى گولىن ماتچ اياقتالار تۇستا قايشىلاي تەۋىپ، قارسىلاس قاقپاسىندا تۋلاتتى. وسىلايشا، مانسابىندا سوققان گولدار سانىن 910-عا جەتكىزدى.

رونالدۋ گول سوعىپ قانا قويماي، فۋتبول تاريحىندا قۇراما ساپىندا ەڭ كوپ جەڭىسكە جەتكەن ويىنشى اتاندى. يسپان ويىنشىسى سەرحيو راموستىڭ جەتىستىگىن باسىپ وزدى.

1️⃣ كريشتيانۋ رونالدۋ - 132 جەڭىس
2️⃣ سەرحيو راموس - 131
3️⃣ يكەر كاسيلياس - 121
4️⃣ ليونەل مەسسي - 119
5️⃣ اندرەس گۋاردادو - 103
6️⃣ يان ۆەرتونگەن - 101
7️⃣ حاۆي - 100.