روبوت سوت ورىنداۋشىلارى 1,2 ميلليارد تەڭگەدەن استام قارجىنى ۇنەمدەدى
استانا. KAZINFORM - ەلىمىزدە روبوت سوت ورىنداۋشىسى ارقىلى ءوندىرىپ الۋ سوماسى 20 دان 40 ا ە ك- كە دەيىن ۇلعايادى. بۇل تۋرالى ادىلەت مينيسترلىگىنىڭ رەسمي وكىلى تالعات ءۋالي ءمالىم ەتتى.
- «روبوت سوت ورىنداۋشى» جوباسى وتكەن جىلى ىسكە قوسىلدى. الەۋمەتتىك جوبانىڭ ماقساتى - ازاماتتارعا تۇسەتىن قارجىلىق جۇكتەمەنى ازايتۋ. بۇرىن بورىشكەر جەكە سوت ورىنداۋشىسىنىڭ قىزمەتى ءۇشىن قارىز سوماسىنىڭ % نا دەيىن كوميسسيا تولەسە، ەندى پروتسەستى اۆتوماتتاندىرۋدىڭ ارقاسىندا بۇل شىعىن الىنىپ تاستالدى. ماسەلەن، سوت ورىنداۋشىسى روبوتى ىسكە قوسىلعان ساتتەن باستاپ ازاماتتار 1,2 ميلليارد تەڭگەدەن استام اقشا ۇنەمدەدى، - دەدى تالعات ءۋالي ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، بۇگىندە روبوت ارقىلى ءوندىرىپ الۋ سوماسىن 20 دان 40 ا ە ك- كە دەيىن ۇلعايتۋ جوسپارى بار.
- بۇل ازاماتتاردىڭ قاراجاتىن ۇنەمدەۋگە مۇمكىندىك بەرەدى. قازىر ءتيىستى تۇزەتۋلەر قازاقستان رەسپۋبليكاسى پارلامەنتىنىڭ قاراۋىندا جاتىر، - دەيدى رەسمي وكىل.
ەسكە سالايىق، بىلتىر قازاقستاندا روبوت سوت ورىنداۋشى ىسكە قوسىلدى.