ەۋروپارلامەنت ەۋروپاداعى سۋ تاسقىنىنا بايلانىستى قارار قابىلدادى

استانا. KAZINFORM - ەۋروپارلامەنت اۋستريا، چەحيا، گەرمانيا، ۆەنگريا، پولشا، رۋمىنيا جانە سلوۆاكياداعى جويقىن سۋ تاسقىنى تۋرالى قارار قابىلدادى.

قۇجات قول كوتەرۋ ءادىسى بويىنشا بەكىتىلدى. ەۋروپارلامەنت مۇشەلەرى ەۋروپالىق وداقتىڭ ازاماتتىق قورعاۋ مەحانيزمىندە بيۋدجەتتىڭ قىسقارتىلۋىنا نارازىلىق تانىتىپ وتىر.

ەۋرودەپۋتاتتار ە و- نىڭ كەلەسى كوپجىلدىق بيۋدجەتىن ەسكەرە وتىرىپ، دايىندىقتى جانە الەۋەتتى ارتتىرۋ ءۇشىن قارجىلاندىرۋدى كەڭەيتۋگە شاقىرادى.

ەپ مۇشەلەرى سونداي-اق ەو ىنتىماقتاستىق قورى «ەۋروپاداعى تابيعي اپاتتاردىڭ ءوسىپ كەلە جاتقان سانى مەن اۋىرلىعىنا پروپورتسيونالدى بولۋى ءتيىس» دەپ سانايدى. ولار ەۋروپالىق كوميسسيانى زارداپ شەككەن ەلدەر ءۇشىن قارجىلاندىرۋدى جۇمىلدىرۋدى جەدەلدەتۋگە شاقىرىپ، بىرىگۋ ساياساتى قۇرالدارى سياقتى باسقا دا تەحنيكالىق جانە قارجىلىق قولداۋدى سۇراپ وتىر.

قاراردا اتاپ وتىلگەندەي، سوڭعى 30 جىلدا سۋ تاسقىنىنان 5,5 ميلليون ادامنىڭ زارداپ شەككەنى، 3 مىڭ ادامنىڭ قازا بولعانى جانە 170 ميلليارد ەۋرودان استام ەكونوميكالىق شىعىن كەلتىرىلگەن.

ەۋروپارلامەنت دەپۋتاتتارى ە و جانە الەمدە اۋا رايىنىڭ قولايسىز جاعدايلارى، سونىڭ ىشىندە اۋقىمدى تاسقىنى، اپتاپ ىستىق جانە ورمان ورتتەرى قارقىندىلىعى مەن جيىلىگىنىڭ ارتۋىنا قاتتى الاڭداۋشىلىعىن ءبىلدىردى.

ۇزاقمەرزىمدى پەرسپەكتيۆادا قارار ە و- نى ايماقتىق جانە جەرگىلىكتى تۇراقتىلىققا ينۆەستيتسيانى ۇلعايتۋعا شاقىرىپ، ە و- نىڭ بولاشاقتاعى بىرىگۋ ساياساتى كليماتتىڭ وزگەرۋىن جەڭىلدەتۋ مەن بەيىمدەلۋگە كوبىرەك نازار اۋدارۋدى تالاپ ەتەدى.

ەسكە سالا كەتسەك، تولاسسىز جاۋعان جاڭبىر ورتالىق ەۋروپادا قاتتى سۋ تاسقىنىنا سەبەپ بولدى.