ەۋروپارلامەنت فراكسياسىنىڭ تەڭ ءتوراعالارى ترامپتى جەڭىسىمەن قۇتتىقتادى

استانا. KAZINFORM - ەۋروپارلامەنتتەگى «ەۋروپالىق كونسەرۆاتورلار مەن رەفورماتورلار توبىنىڭ» (ECR) تەڭ ءتوراعالارى دونالد ترامپتى امەريكا قۇراما شتاتتارىنىڭ پرەزيدەنتى بولىپ قايتا سايلانۋىمەن قۇتتىقتادى، دەپ حابارلايدى Kazinform مەنشىكتى ءتىلشىسى.

«دونالد ترامپتى سايلاۋداعى تابىسىمەن شىن جۇرەكتەن قۇتتىقتايمىن! ونىڭ ادالدىعى مەن كوشباسشىلىعى بۇكىل ەلدەگى امەريكالىقتاردىڭ جۇرەگىنەن ءۇن قاتقانى ءسوزسىز. ءبىز، ECR وتباسىنىڭ مۇشەلەرى، پراگماتيكالىق شەشىمدەردى تابۋ ءۇشىن بىرگە جۇمىس ىستەي وتىرىپ، جاقىن جىلدارى اتلانت مۇحيتى ارقىلى تىعىز ىنتىماقتاستىقتى دامىتۋعا جانە بايلانىستارىمىزدى نىعايتۋعا ۇمىتتەنەمىز. بۇل جاڭا تاراۋ ءبىزدىڭ ساياسي بايلانىستارىمىزدى نىعايتۋعا، ورتاق ماقساتتارعا قول جەتكىزۋگە جانە بولاشاق گۇلدەنۋدى ىلگەرىلەتۋگە بىرەگەي مۇمكىندىك بەرەدى»، - دەدى ECR تەڭ ءتوراعاسى نيكولا پروكاچچيني (Nicola Procaccini) .

ECR تەڭ ءتوراعاسى يواحيم برۋدزينسكي (Joachim Brudzىński) دە دونالد ترامپتى كەرەمەت جەڭىسىمەن قۇتتىقتادى.

«ونىڭ امەريكا حالقىنا دەگەن ادالدىعى بۇرىنعىدان دا ايقىن». ءبىز بۇل جاڭا مانداتقا وپتيميستىك كوزقاراسپەن قارايمىز جانە ونى قۇراما شتاتتار مەن ەۋروپا اراسىنداعى ەرەكشە قارىم-قاتىناستى تەرەڭدەتۋ ءۇشىن باعا جەتپەس مۇمكىندىك دەپ سانايمىز. ءبىز اتلانت مۇحيتىنىڭ ەكى جاعىندا تۇراقتىلىق، قاۋىپسىزدىك پەن وركەندەۋگە ىقپال ەتەتىن ورتاق كۇن ءتارتىبى بويىنشا ىنتىماقتاستىققا دايىنبىز»، - دەدى يواحيم برۋدزينسكي.

ECR توبى ا ق ش-تىڭ رەسپۋبليكالىق پارتياسىمەن تىعىز بايلانىستى. Grand Old پارتياسى قازىرگى ۋاقىتتا يتاليا پرەمەر-ءمينيسترى دجوردجيا مەلوني باسقاراتىن ەۋروپالىق ECR پارتياسىنىڭ جاھاندىق سەرىكتەسى. بۇعان دەيىن ەۋروپارلامەنت پرەزيدەنتى روبەرتا مەتسولا دا ترامپتى جەڭىسىمەن قۇتتىقتاعان بولاتىن.

«ا ق ش-تاعى سايلاۋداعى جەڭىسىڭىزبەن قۇتتىقتايمىز. ەۋروپا بۇرىن-سوڭدى بولماعان گەوساياسي ماسەلەلەردى شەشۋدە ىنتىماقتاسۋعا دايىن. ە و مەن ا ق ش-تىڭ ەركىندىك، ادام قۇقىقتارى، دەموكراتيا جانە اشىق نارىقتارى سياقتى ورتاق قۇندىلىقتارىمىزعا نەگىزدەلگەن بەرىك ترانساتلانتيكالىق بايلانىستى ساقتاۋعا دايىنبىز»، - دەپ جازدى ر. مەتسولا.

ەسكە سالا كەتسەك، مەملەكەت باسشىسى قاسىم-جومارت توقايەۆ امەريكا قۇراما شتاتتارى پرەزيدەنتىنىڭ سايلاۋىندا ايقىن جەڭىسكە جەتكەن دونالد ترامپقا قۇتتىقتاۋ جەدەلحاتىن جولدادى.

ايتا كەتەيىك، بۇعان دەيىن دونالد ترامپ ا ق ش-تىڭ 47- پرەزيدەنتى بولعانىن، ونىڭ ورتالىق ازياعا قاتىستى ساياساتى قانداي ءوربۋى مۇمكىن ەكەنىن جازعان ەدىك.

اۆتور
زارينا تۋعانبايەۆا