ەۋروپالىقتار تۋريزمنەن شارشادى: بارسەلونا مەن ۆەنەتسيا حالقى نارازىلىققا شىقتى

استانا. KAZINFORM - يسپانيا مەن يتاليانىڭ بىرنەشە قالالارىندا شامادان تىس كوپ تۋريستەرگە قارسى نارازىلىق شارالارى ءوتتى. ميتينگكە شىققاندار ساياحاتشىلاردىڭ سانىن ازايتۋدى تالاپ ەتىپ وتىر، دەپ جازدى DW.

15-ماۋسىم كۇنى، ساياحاتشىلار اراسىندا تانىمال يسپانيا مەن يتاليا قالالارىندا باقىلاۋسىز تۋريزمگە قارسى دەمونستراتسيالار ۇيىمداستىرىلدى. Reuters اگەنتتىگىنىڭ مالىمەتىنشە، بارسەلونادا شامامەن 600 ادام قاتىسقان ميتينگ كەزىندە حالىق: «سەنىڭ دەمالىسىڭ - مەنىڭ قايعىم» دەپ ۇرانداپ، «جاپپاي تۋريزم قالانى جويادى» جانە «ولاردىڭ اشكوزدىگى ءبىزدى قۇرتادى» دەگەن جازۋى بار پلاكاتتار ۇستاپ شىقتى. كەيبىر بەلسەندىلەر سۋ تاپانشاسىمەن اتىپ، دۇكەندەر مەن قوناق ۇيلەردىڭ تەرەزەلەرىنە «تۋريستەر، ۇيلەرىڭە قايتىڭدار!» دەگەن جازۋى بار جاپسىرمالار جاپسىرعان.

Reuters ءتىڭ دەرەگىنشە، حالقى 1,6 ميلليون ادامدى قۇرايتىن بارسەلونا وتكەن جىلى 26 ميلليون تۋريست قابىلداعان.

ۆەنەتسيا تۇرعىندارى جاڭا قوناق ۇيلەرگە قارسى
تۋريستىك اعىندى شەكتەۋدى تالاپ ەتكەن نارازىلىقتار وڭتۇستىك ەۋروپانىڭ باسقا دا قالالارىندا ءوتتى. يسپانيادا - مالاگا، پالما- دە- مايوركا، سان- سەباستيان، گرانادا جانە يبيتسا ارالىندا؛ يتاليادا - گەنۋيا، پالەرمو، نەاپول، ميلان جانە ۆەنەتسيا قالالارىندا. ۆەنەتسيادا نارازىلىق بىلدىرۋشىلەر 1500 ءتۋريستى قابىلداي الاتىن ەكى جاڭا قوناق ءۇيدىڭ سالىنۋىنا قارسى شىقتى.

Reuters اگەنتتىگى 2025 -جىلى ەۋروپادا حالىقارالىق ساپارلارعا جۇمسالاتىن شىعىندار  عا ءوسىپ، 838 ميلليارد ا ق ش دوللارىنا (727 ميلليارد ەۋرو) جەتۋى مۇمكىن دەپ بولجايدى. فرانسيا مەن يسپانيادا تۋريست قابىلداۋ رەكوردتىق كورسەتكىشكە جەتۋى مۇمكىن دەگەن بولجام بار.