استانا. KAZINFORM - وداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى جوزەپ بوررەل ەۋروپالىق وداق 19- اقپاندا قىزىل تەڭىزدە ءبىر جىل مەرزىمگە Aspides (قالقاندار) وپەراتسياسىن باستايتىنىن ايتتى. بۇل تۋرالى The Jerusalem Post جازدى.
باسىلىمنىڭ حابارلاۋىنشا، وپەراتسيا 1 جىل ىشىندە قىزىل تەڭىزدەگى بارلىق ماقساتىنا جەتۋگە ءتيىس. ءبىر جىلدا ۇلگەرمەسە، وپەراتسيا مەرزىمى ۇزارتىلۋى مۇمكىن.
وپەراتسيانى قىزىل تەڭىزدەگى ساۋدا كەمەلەرىن قورعاۋ ءۇشىن ە و- عا مۇشە مەملەكەتتەر ماقۇلدادى. وپەراتسيا 19- اقپاندا باستالادى.
ەستەرىڭىزگە سالا كەتەيىك، قاڭتار ايىندا اقش پەن ۇلى بريتانيا ۇشاقتارى مەن اسكەري كەمەلەرى يەمەندەگى كوتەرىلىسشى حۋسيتتەر توبىنا سوققى بەرە باستادى، ولار جاقىندا يراننىڭ قولداۋىمەن قىزىل تەڭىزدەگى ساۋدا كەمەلەرىنە شابۋىل جاساي باستادى.
حۋسيتتەردىڭ كىم ەكەنى جانە ولار يزرايلگە بەت العان كەمەلەرگە نەلىكتەن شابۋىل جاسايتىنى تۋرالى بۇعان دەيىن جازعان بولاتىنبىز.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.