ەۋروپالىق وداق پەن كانادادان بولەك، باستاماعا برازيليا، كەنيا، ءۇندىستان جانە اۋستراليا قوسىلدى. اليانس اشىق فورماتتا قۇرىلىپ، بولاشاقتا وعان باسقا ەلدەردىڭ دە قوسىلۋىنا مۇمكىندىك بەرىلەدى.
P4M اتاۋى «كوپ جاقتىلىق، حالىقارالىق قۇقىق، بەيبىتشىلىك جانە وركەندەۋ جولىنداعى ارىپتەستەر» دەگەندى بىلدىرەدى. قاتىسۋشىلار حالىقارالىق ىنتىماقتاستىق پەن ب ۇ ۇ- نىڭ ءرولىن نىعايتۋدى، سونداي-اق جاساندى ينتەللەكت، كليماتتىڭ وزگەرۋى جانە پاندەميالارمەن كۇرەس باعىتتارىندا بىرلەسىپ جۇمىس ىستەۋدى كوزدەيدى.
باستامانى كوتەرگەن ەلدەر ساياسي داستۇرلەرى ءارتۇرلى مەملەكەتتەر اراسىندا «كوپىر ورناتۋ» قاجەتتىگىن اتاپ وتىر.
جاڭا توپ ءىرى دەرجاۆالار اراسىنداعى باسەكەلەستىكتىڭ كۇشەيۋى جانە ءداستۇرلى حالىقارالىق فورماتتارداعى داعدارىس جاعدايىندا قۇرىلىپ وتىر. بولاشاقتا ول «ۇلكەن جيىرمالىققا» بالاما فورماتقا اينالۋى مۇمكىن. قازىرگى كەزدە G20 اياسىنداعى ىنتىماقتاستىققا ءىرى دەرجاۆالار اراسىنداعى قايشىلىقتار بارعان سايىن كەدەرگى كەلتىرىپ وتىر.
بۇعان دەيىن ەۋروپالىق وداق كاناداعا ءوزىنىڭ تاريحىنداعى العاشقى «قاۋىمداستىرىلعان مۇشەسى» بولۋدى ۇسىنعان ەدى. بۇل مارتەبە ەكونوميكا، تەحنولوگيا، ەنەرگەتيكا جانە قورعانىس سالالارىندا ەرەكشە تىعىز ىنتىماقتاستىقتى كوزدەيدى.
ءوز كەزەگىندە ا ق ش پرەزيدەنتى دونالد ترامپ كانادانىڭ ەۋروپالىق وداقپەن جاقىنداسۋىنا بايلانىستى ە و- مەن ساۋدانى توقتاتامىز دەپ قاۋىپ توندىرگەن.
ايتا كەتەيىك، بۇعان دەيىن اۋستراليا ۇكىمەتى ەلدىڭ ەۋروپالىق وداقتىڭ قاۋىمداستىرىلعان مۇشەسى بولۋى مۇمكىن دەگەن ۇسىنىسقا تۇسىنىكتەمە بەرگەنىن جازدىق.