ادەتتە كۋرورت مامىردان قاراشاعا دەيىن جۇمىس ىستەيتىن. الايدا جوعارى تەمپەراتۋرا مەن داۋىلدار شاڭعى جولدارىنىڭ ساپاسىن ساقتاۋعا جانە شاڭعى تەبۋشىلەردىڭ قاۋىپسىزدىگىن قامتاماسىز ەتۋگە مۇمكىندىك بەرمەدى.
كۋرورت باسشىلىعى بۇل شەشىمدى «اۋىر، ءبىراق قاجەتتى قادام» دەپ سيپاتتادى. ولار باستى ماسەلە رەتىندە تۇنگى ۋاقىتتاعى جوعارى تەمپەراتۋرانى اتاپ ءوتىپ، قار قاباتىنىڭ قايتا قاتىپ ۇلگەرمەيتىنىن العا تارتتى.
ايماقتا ءجيى بولاتىن نايزاعاي مەن داۋىلدار جاعدايدى ودان ءارى قيىنداتقان.
تامىز ايىنىڭ ورتاسىندا يتاليا الپىسىنىڭ بيىك تاۋلى ايماقتارىندا ەرەكشە جوعارى تەمپەراتۋرا تىركەلگەنى حابارلاندى. تەڭىز دەڭگەيىنەن 2000 مەتردەن استام بيىكتىكتە ورنالاسقان فورني مۇزدىعىندا اۋا تەمپەراتۋراسى سەلسيي بويىنشا 17 گرادۋسقا دەيىن كوتەرىلسە، شامامەن 3000 مەتر بيىكتىكتەگى پاسسو- مارينەللي اسۋىندا تەمپەراتۋرا 9 گرادۋسقا جەتتى.
بۇعان دەيىن شۆەيتساريانىڭ سەرماتت جانە سااس-في كۋرورتتارى اپتاپ ىستىققا بايلانىستى شاڭعىمەن سىرعاناۋ جۇمىستارىن توقتاتقان بولاتىن. ۇقساس جاعداي ستەلۆيودا 2022 -جىلدىڭ جاز ايىندا بولدى. دەگەنمەن بۇل دەمالىس ايماقتارى شامامەن ەكى ايدان كەيىن قايتا اشىلدى.
گيدرولوگ روبەرتو دينالە قازىرگى جاعدايدا كۋرورتتىڭ جۇمىسىن ساقتاۋ قيىن بولاتىنىن ايتتى.
ايتا كەتەيىك، ريددەردەگى تاۋ شاڭعى كۋرورتى كەڭەيتىلەتىن بولدى.