ەۋرو-2024: تۇركيالىق اردا گيۋلەر رونالدۋدىڭ رەكوردىن جاڭارتتى
استانا. KAZINFORM - تۇركيالىق فۋتبولشى اردا گيۋلەر ەۋروپا چەمپيوناتىنىڭ تۇساۋكەسەر ويىنىندا گول سوققان كريشتيانۋ رونالدۋدىڭ رەكوردىن جاڭارتتى.
تۇركيا فۋتبولىنىڭ جۇلدىزى ءوز قۇراماسىنىڭ گرۋزيامەن كەزدەسۋىندە نەگىزگى قۇرامدا جاسىل الاڭعا شىقتى. ويىننىڭ 65-مينۋتىندا مەرگەندىك تانىتىپ، ءوز قۇراماسىن العا شىعاردى. وسىلايشا ول قۇرلىقتىق دودا تاريحىندا تۇساۋكەسەر ويىنىندا گول سوققان ەڭ جاس فۋتبولشى (19 جاس، 114 كۇن) اتاندى.
اردا گيۋلەر بۇل گولىنىڭ ارقاسىندا پورتۋگاليا قۇراماسىنىڭ شابۋىلشىسى كريشتيانۋ رونالدۋدىڭ جيىرما جىل ساقتالعان رەكوردىن جاڭارتتى.
كريشتيانۋ رونالدۋ 2004 -جىلى تۇساۋكەسەر ويىنىندا 19 جاس، 128 كۇن تولعان ساتتە گرەكيا قۇراماسىنا گول سوققان ەدى.
اردا گيۋلەر 2005 -جىلدىڭ 25 -اقپانىندا دۇنيەگە كەلگەن. 2021-2023 -جىلداردا تۇركيالىق «فەنەرباحچە» كومانداسىنىڭ نامىسىن قورعاسا، 2023 -جىلدان بەرى يسپانيانىڭ «رەال مادريد» كومانداسىنا اۋىستى.
ەسكە سالساق، تۇركيا قۇراماسى گرۋزيانى 3:1 ەسەبىمەن جەڭدى.
اۆتور
ءادىلجان ۇمبەت