«ەرتىس ورمانى» رەزەرۆاتىندا اعاش ۇرلىعى 97 پايىزعا ازايعان
پاۆلودار. KAZINFORM - «ەرتىس ورمانى» رەزەرۆاتىندا اعاشتاردى زاڭسىز كەسۋ وقيعالارىنىڭ كۇرت ازايعانى تىركەلىپ وتىر. بيىل جىل باسىنان ورمان ۇرلىعىنا قاتىستى نەبارى ءبىر فاكتى انىقتالعان.
بۇل تۋرالى «ەرتىس ورمانى» مەملەكەتتىك ورمان تابيعي رەزەرۆاتىنان حابارلادى.
- رەزەرۆات قىزمەتكەرلەرى مەن ءتارتىپ ساقشىلارىنىڭ بىرلەسكەن جۇمىسىنىڭ ناتيجەسىندە وتكەن جىلمەن سالىستىرعاندا بيىل زاڭسىز اعاش كەسۋ 97 پايىزعا ازايدى. سالىستىرمالى تۇردە ايتساق، 2023 -جىلدىڭ 9 ايىندا زاڭسىز اعاش كەسۋدىڭ 30 وقيعاسى تىركەلىپ، كولەمى 452,5 تەكشە مەتر (كەلتىرىلگەن شىعىن كولەمى - 9 ميلليون 328,1 مىڭ تەڭگە) زالال كەلتىرىلگەن. ال جىل باسىنان «ەرتىس ورمانى» بويىنشا 2,2 تەكشە مەتر كولەمىندە زاڭسىز اعاش كەسۋ جانە ورمان ۇرلاۋدىڭ ءبىر فاكتىسى تىركەلدى، - دەپ جاۋاپ بەردى Kazinform ءتىلشىسىنىڭ ساۋالىنا رەزەرۆاتتىڭ باس ديرەكتورىنىڭ مىندەتىن اتقارۋشى قازبەك امەتوۆ.
اعاش ۇرلىعى بويىنشا قىلمىستىق جاۋاپكەرشىلىككە تارتۋ فاكتىلەرى تىركەلگەن جوق.
ەسكە سالا كەتەيىك، «ەرتىس ورمانىندا» 2029 -جىلعا دەيىن اعاش كەسۋگە تىيىم سالىندى.
ەرتىس ورمانىندا ورمان ءورتى جاڭا جۇيەنىڭ كومەگىمەن جىلدام انىقتالدى.
اۆتور
مۇرات اياعان