ەرتىس وزەنىنىڭ جايىلماسىنداعى ورماندار اراسىندا تىرنالار جۇبى بەينەجازباعا ءتۇسىپ قالدى. ۆيدەودان تىرنالار وزدەرىن قاۋىپسىز سەزىنىپ، سەكەڭدەپ بيلەپ جۇرگەنىن كورۋگە بولادى.
- ورمانشىلارىمىزدىڭ ايتۋىنشا، بۇل قۇستار بىلتىر دا ءدال وسى جەردى مەكەندەپ، جازدى وتكىزگەن. كەيىن جىلى جاققا ۇشىپ كەتىپتى. كۇن جىلىنعان سوڭ ورالىپ وتىرعانى وسى. ەرتىس وزەنى جايىلماسىندا سوڭعى جىلدارى اڭ- قۇستاردىڭ بەلگىلى ءبىر اۋماقتى مەكەندەپ، سول جەرگە ۇيا سالاتىندارى بايقالىپ ءجۇر. بۇل - جايىلما مەن ەرتىس وزەنى قاۋمالىنىڭ قاۋىپسىز ءارى جايلى بولا تۇسكەنىن بىلدىرەدى، - دەيدى پاۆلودار ورمان جانە جانۋارلار دۇنيەسىن قورعاۋ مەكەمەسىنىڭ باسشىسى اجدار ءجۇسىپوۆ.
بۇعان دەيىن ەرتىس ورمانىنا تۇلكىلەر قايتا ورالىپ جاتقانىن جازعانبىز.