گرەتسيا جاعالاۋىندا 6,4 ماگنيتۋدالىق جەر سىلكىنىسى بولدى
10:07, 14 - مامىر 2025
استانا. KAZINFORM - گرەتسيا جاعالاۋىندا 6,4 ماگنيتۋدالىق جەر سىلىكىنىسى تىركەلدى. بۇل تۋرالى ەۋروپا - جەرورتا تەڭىزى سەيسمولوگيالىق ورتالىعى حابارلادى، دەپ جازادى رەسەيلىك ت ا س س.
ورتالىقتىڭ مالىمەتتەرى بويىنشا، ءزىلزالانىڭ وشاعى 2,2 مىڭ تۇرعىنى بار كارپاتوس ارالىنان وڭتۇستىككە قاراي 66 ك م قاشىقتىقتا جاتىر، تەرەڭدىگى 14 ك م.
زارداپ شەككەندەر مەن قۇربان بولعاندار تۋرالى مالىمەت جوق. سۋنامي قاۋپى تۋرالى ەسكەرتۋ بولعان جوق.
جەراستى ءدۇمپۋى مىسىر اۋماعىنا دا سەزىلدى.
وسىعان دەيىن ىستانبۇلداعى جەر سىلكىنىسىنەن كەيىن قالا سىرتىنداعى ۇيلەرگە سۇرانىس كۇرت ارتقانى تۋرالى جازدىق.
مەگاپوليستىڭ كوپتەگەن تۇرعىندارى كوپقاباتتى ۇيلەردەن باس تارتىپ، بالامالى، سەيسميكالىق جاعىنان قاۋىپسىزدەۋ تۇراق ىزدەۋگە كوشتى.