ەرتەڭ ق ح ر بۇكىل قىتايلىق حالىق وكىلدەرى جينالىسى ءتوراعاسىنىڭ ورىنباسارى قازاقستانعا كەلەدى

استانا. قازاقپارات - 23-27- قاڭتاردا ق ح ر بۇكىل قىتايلىق حالىق وكىلدەرى جينالىسى ءتوراعاسىنىڭ ورىنباسارى حاو مين زيننىڭ قازاقستانعا ساپارى وتەدى.

بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى.

- 23-27-قاڭتاردا ق ح ر بۇكىل قىتايلىق حالىق وكىلدەرى جينالىسى ءتوراعاسىنىڭ ورىنباسارى حاو مين زين قازاقستانعا كەلەدى. ساپار ەكى ەل اراسىنداعى ىنتىماقتاستىقتى ودان ءارى نىعايتۋعا باعىتتالعان. ونىڭ اياسىندا ق ر پارلامەنتى سەناتى مەن ءماجىلىسىنىڭ ءتوراعالارى ماۋلەن اشىمبايەۆپەن جانە ەرلان قوشانوۆپەن كەلىسسوز، ءماجىلىس ءتوراعاسىنىڭ ورىنباسارى البەرت راۋمەن، قازاقستان پرەمەر- ءمينيسترىنىڭ ءبىرىنشى ورىنباسارى، رومان سكليارمەن، سونداي- اق الماتى قالاسى ءماسليحاتىنىڭ ءتوراعاسى مەيىرجان وتىنشيەۆپەن كەزدەسۋى جوسپارلانعان، - دەدى س ءى م رەسمي وكىلى.

اۆتور

ەسىمجان ناقتىباي