ەرتەڭ كۇن جارتىلاي تۇتىلادى
استانا. KAZINFORM - سەنبى كۇنى ەۋروپانىڭ، باتىس افريكانىڭ جانە سولتۇستىك ازيانىڭ تۇرعىندارى كۇننىڭ جارتىلاي تۇتىلۋىن كورە الادى، دەپ حابارلايدى Euronews.
ەۋروپا، باتىس افريكا، سولتۇستىك ازيا، ا ق ش- تىڭ سولتۇستىك- شىعىسى مەن كانادانىڭ شىعىسىنداعى تۇرعىندار كۇننىڭ جارتىلاي تۇتىلۋىن كورە الادى. ايدىڭ كولەڭكەسى كۇندى جارتىلاي عانا جاۋىپ، ول جارتى ءاي تارىزدى كورىنەدى.
سولتۇستىك جانە وڭتۇستىك امەريكانىڭ باسىم بولىگىندە تۇتىلۋ تاڭ اتا بولادى. باتىس ەۋروپا مەن افريكادا - تاڭەرتەڭ، ال شىعىس ەۋروپا مەن سولتۇستىك ازيادا - تۇستەن كەيىن بولادى.
مونرەال پلانەتارييىنىڭ وكىلى اۋريان ەگال: «تۇتىلۋ - بۇل كۇن مەن ايدىڭ سونداي- اق جەر كولەڭكەسى مەن جارىقتىڭ ويىنى»، - دەپ تۇسىندىرەدى.
NASA مالىمەتىنشە، كۇن مەن ايدىڭ تۇتىلۋى جىلىنا ءتور پەن جەتى رەت ارالىعىندا بولادى. ايدىڭ جەرگە قاتىستى وربيتاسىنىڭ قيسايۋىنا بايلانىستى بۇل تابيعات قۇبىلىستارى ادەتتە جۇپ بولىپ كەلەدى. مىسالى، ناۋرىز ايىنىڭ ورتاسىندا ايدىڭ تولىق تۇتىلۋى ايدى قىزىل تۇسكە بويايدى.
كۇن تۇتىلعان كەزدە ول باياۋ جارتى ايدىڭ كولەمىندەي كىشىرەيەدى. ونىڭ جارىعى «وشىرىلەدى». ەۋروپالىق وڭتۇستىك وبسەرۆاتورياسىنىڭ قىزمەتكەرى حۋان كارلوس مۋنوس- ماتەوس: «بۇل وتە بۇلتتى كۇن سياقتى بولادى»، - دەپ ءتۇسىندىردى.
بۇل قۇبىلىستى كورۋ ءۇشىن كۇننەن قورعايتىن كوزىلدىرىك كيۋ كەرەك. اتالعان ادەمى كورىنىستى باقىلاعىسى كەلەتىندەر قاراپايىم قولدا بار ماتەريالدان ساڭىلاۋلارى بار پروەكتور جاساي الادى نەمەسە دۋرشلاگتى پايدالانا الادى.
قىركۇيەك ايىندا تاعى ءبىر تولىق اي مەن كۇننىڭ جارتىلاي تۇتىلۋىن كورۋگە بولادى.