ەرتەڭ باستالاتىن ازيا ويىندارىنا قازاقستاننان قانشا اتلەت قاتىسادى

وسى ارالىقتا سارى قۇرلىقتاعى 45 ەلدىڭ 15 مىڭنان استام وكىلى 40 سپورت تۇرىنەن 481 مەدال جيىنتىعىن ساراپقا سالادى.

ويىننىڭ اشىلۋ ءراسىمى 23-قىركۇيەكتە وليمپيادا سپورت ورتالىعى ستاديونىندا وتەدى.

قازاقستان حاڭجوۋ قالاسىنا 30 سپورت تۇرىنەن 524 اتلەت (262 ەر، 262 ايەل) اپارادى.

ونىڭ ىشىندە وليمپيادا باعدارلاماسىنا كىرەتىنى 27, قالعان ۇشەۋى - وليمپيادالىق ەمەس سپورت ءتۇرى.

سونىمەن قاتار، الداعى دودادا سپورتتىڭ 8 تۇرىنەن: بوكس، ساداق اتۋ، قازىرگى بەسسايىس، ءجۇزۋ، برەيكينگ، كوگالداعى حوككەي، تەننيس پەن جەڭىل اتلەتيكادان پاريج وليمپياداسىنا ليتسەنزيا ويناتىلادى

سونداي-اق سپورتتىڭ 4 تۇرىنەن: تاەكۆوندو، دزيۋدو، ترياتلون، بادمينتوننان رەيتينگتىك ۇپايلار ساراپقا سالىنادى.

ايتا كەتەيىك، ازيا ويىندارى- ازيادا دەپ تە اتالادى - ازيا وليمپيادالىق كەڭەسىنىڭ (ا و ك) باسقارۋىمەن ازيا قۇرلىعىنىڭ سپورتشىلارى اراسىندا 4 جىلدا ءبىر رەت وتەتىن كەشەندى سپورتتىق جارىس.

حالىقارالىق وليمپيادا كوميتەتى رەسمي تۇردە كونتينەنتتىك ويىندار رەتىندە تانىعان.

قازاقستان 1994 -جىلدان بەرى ازيا ويىندارىنا سەگىزىنشى رەت قاتىسىپ جاتىر.