رەسەيلىك سپورتشى قازاقستان ازاماتتىعىن الدى

استانا. قازاقپارات - سپورتشى بيىل قازاقستاننىڭ جازعى چەمپيوناتىنا قاتىسىپ، ءبىرىنشى ورىن العان. بۇل ناتيجە ونى ۇلتتىق قۇراماعا مۇشەلىككە الۋعا نەگىز بولعان.

17 جاستاعى مانەرلەپ سىرعاناۋشى سوفيا سامودەلكينا رەسەيدە سالىنعان سانكسيالارعا بايلانىستى ازاماتتىق اۋىستىرىپ، قازاقستان ۇلتتىق قۇراماسىنىڭ قاتارىنا رەسمي تۇردە قوسىلدى، دەپ حابارلادى turkystan.kz سايتى Tengri Sport-قا سىلتەمە جاساپ.

سپورتشى بيىل قازاقستاننىڭ جازعى چەمپيوناتىنا قاتىسىپ، ءبىرىنشى ورىن العان. بۇل ناتيجە ونى ۇلتتىق قۇراماعا مۇشەلىككە الۋعا نەگىز بولعان.

«سوفيا سامودەلكينا قازاقستاننىڭ جازعى چەمپيوناتىندا كورسەتكەن ناتيجەسىنە بايلانىستى تۋريزم جانە سپورت مينيسترلىگى سپورت جانە دەنە شىنىقتىرۋ كوميتەتىنىڭ بۇيرىعىمەن قازاقستان ۇلتتىق قۇراماسىنىڭ قاتارىنا قوسىلدى»، - دەلىنگەن قازاقستان مانەرلەپ سىرعاناۋ فەدەراتسياسىنىڭ پرەزيدەنتى ەلميرا تۇرعانوۆانىڭ بەرگەن اقپاراتىندا.

ال، ۇلتتىق قۇرامانىڭ باس باپكەرى اسەم قاسەنوۆا سوفيا سامودەلكينانىڭ 18-21-قىركۇيەك ارالىعىندا تۇركيادا وتەتىن جاسوسپىرىمدەر گران-پريىنە قاتىساتىنىن مالىمدەدى.