رەسەيدە تۋعان ەتنيكالىق قازاق فۋتبولشىسى قادىرعالي سيمبايەۆ ءومىر بويىنا فۋتبولدان شەتتەتىلدى.
رەسەيدىڭ «كولومنا» كلۋبىندا وينايتىن فۋتبولشى ارىپتەسى نيكيتا مەرزليۋكپەن بىرگە بۋكمەكەرلىك كەڭسەدە ءباس تىككەن.
رەسەي كۋبوگىنىڭ 1/256 فينالىندا «كولومنا» مەن «امكال» مەديا كومانداسى ويناعان. ەكى فۋتبولشى قارسىلاستىڭ جەڭىسىنە ءباس تىككەن. بۇل جاعدايدى رەسەي فۋتبول وداعىنىڭ باقىلاۋ-تارتىپتىك كوميتەتى قاراپ، ءتيىستى شەشىم قابىلدادى.
«نيكيتا مەرزليۋك پەن قادىرعالي سيمبايەۆقا ءومىر بويىنا فۋتبولعا قاتىستى كەز كەلگەن قىزمەتپەن اينالىسۋعا تىيىم سالىنسىن»، - دەلىنگەن كوميتەتتىڭ شەشىمى تۋرالى ر ف باسپا ءسوز قىزمەتىنىڭ حابارلاماسىندا.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан