رەسەيلىك حوككەيشى ا ق ش- تا قاماۋعا الىندى

استانا. قازاقپارات – ا ق ش- تىڭ تەحاس شتاتىندا «ۆاشينگتون كەپيتالز» حوككەي كلۋبىنىڭ ويىنشىسى، رەسەيلىك سپورتشى الەكساندر الەكسەيەۆ قاماۋعا الىندى.

وقيعا 17-مامىر، سەنبى كۇنى تاڭعى ساعات 03:00 شاماسىندا بولعان.

پوليتسيانىڭ مالىمەتىنشە، كلارەندون بۋلۆارىنىڭ 3100-بولىگىندە پاترۋل جۇرگىزىپ جۇرگەن ءتارتىپ ساقشىلارىن كۋاگەر توقتاتىپ، دۇكەن ماڭىندا توبەلەس بولىپ جاتقانىن حابارلاعان.

كەيىن وفيتسەرلەر كۇدىكتى ەر ادامنىڭ ەكىنشى ازاماتپەن جانجالداسقانىن كورەدى. قىزمەتكەرلەر جاقىنداعاندا، كۇدىكتى قارسىلاسىن ۇرا باستاعان. سول ساتتە پوليتسيا قىزمەتكەرى گاز بالونشاسىن قولدانۋعا ءماجبۇر بولىپ، كۇدىكتىنى ۇستاعان.

رەسمي ەسەپكە سايكەس، ۇستالعان ازامات - 25 جاستاعى الەكساندر الەكسەيەۆ. وعان ماس كۇيىندە كولىك جۇرگىزۋ جانە قوعامدىق ورىندا ماساڭ كۇيدە بولۋ باپتارى بويىنشا ايىپ تاعىلعان.

ب ا ق مالىمەتىنشە، قاماۋعا الىنعان الەكسەيەۆ - «ۆاشينگتون كەپيتالز» ساپىندا ونەر كورسەتىپ جۇرگەن كاسىبي رەسەيلىك حوككەيشى. پوليتسيا بولىمشەسىندە تۇسىرىلگەن سۋرەتتەردە ونىڭ بىرنەشە ءتىسىنىڭ جوق ەكەنى بايقالادى.