استانا. KAZINFORM - نوۆوسيبيرسك - باكۋ باعىتى بويىنشا ۇشقان S7 اۋە كومپانياسىنىڭ رەيسى قازاقستان اۋماعى ۇستىنەن وتكەن كەزدە كەرى بۇرىلىپ، ومبى قالاسىنا شۇعىل قونۋعا ءماجبۇر بولدى. بۇل تۋرالى Mash Telegram-ارناسى حابارلادى.
بۇگىن اتالمىش Telegram-ارنا وقيعاعا قاتىستى ۆيدەو جاريالادى.
وقيعا قازاقستان اۋە كەڭىستىگىندە بولعان. ەكيپاجداعى جولاۋشىلاردىڭ بىرىنە شۇعىل مەديتسينالىق كومەك قاجەت بولعاندىقتان، ۇشاقتى دەرەۋ كەرى بۇرۋ تۋرالى شەشىم قابىلداعان.
- بورتتاعى جولاۋشىلاردىڭ ءبىرىنىڭ جاعدايى كەنەتتەن ناشارلاپ كەتتى، - دەلىنگەن حابارلامادا.
ايتا كەتەيىك، Air Astana اۋە كومپانياسىنىڭ ۇشاعى تەحنيكالىق اقاۋعا بايلانىستى بەيجىڭ اۋەجايىنا شۇعىل قونعان ەدى. اۋە كەمەسى 2026 -جىلعى 8-قاڭتاردا سەۋل - استانا باعىتىنداعى KC210 رەيسىن ورىنداپ جاتقان. كومپانيانىڭ مالىمەتىنشە، ۇشاقتاعى بارلىق دارەتحانالاردىڭ ىستەن شىعۋىنا بايلانىستى اۋە كەمەسى قىتاي استاناسىنداعى اۋەجايعا قونعان.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан