رەسەيلىك ۇشاق شۇعىل تۇردە اقتوبە اۋەجايىنا قوندى
15:23, 18 - قىركۇيەك 2023
تۇركيانىڭ انتاليا قالاسىنان رەسەيدىڭ ەكاتەرينبۋرگ قالاسىنا باعىت العان ۇشاقتان تەحنيكالىق اقاۋ شىعىپ، اقتوبە اۋەجايىنا شۇعىل قوندى. بورتتا 420 عا جۋىق ادام بولدى، دەپ حابارلايدى قازاقپارات ءتىلشىسى
بۇگىن ساعات 05:27 دە انتاليا- ەكاتەرينبۋرگ باعىتىنداعى ۇشاق اقتوبە اۋەجايىنا قوندى. ۇشاقتا تەحنيكالىق اقاۋ بولدى.
«Red Wings» اۋە كومپانياسىنىڭ Boeing 777 ۇشاعىندا 420 عا جۋىق ادام بولدى.
قازىرگى كەزدە ولارعا وزگە ۇشاق كەلگەن.
«جولاۋشىلاردى وتىرعىزۋ جۇمىسى ءجۇرىپ جاتىر. بۇل انتاليادان ەكاتەرينبۋرگكە باعىت العان ۇشاق. بيىل 3-4 جاعداي تىركەلدى وسىنداي. تاياۋدا شارم- ەل- شەيحتەن دە قوندى»، - دەدى ءاليا مولداعۇلوۆا اتىنداعى اقتوبە حالىقارالىق اۋەجايى باسقارما ءتوراعاسىنىڭ مىندەتىن اتقارۋشى داستان ماليەۆ.