رەسەيدە تۇرمەلەر جابىلىپ جاتىر
2022 -جىلى اقپاندا ۋكرايناعا باسىپ كىرمەس بۇرىن رەسەي تۇرمەلەرىندە 465 مىڭ ادام بولعان. قازىر دە ولاردىڭ سانى 266 مىڭعا دەيىن ازايعانى ايتىلادى، دەپ حابارلايدى Ulysmedia.kz پورتالى ناستوياشەە ۆرەميا ارناسىنا سىلتەمە جاساپ.
رەسەيدىڭ ۋكرايناعا باسىپ كىرەر الدىندا رەسمي ستاتيستيكاعا سايكەس، رەسەي تۇرمەلەرىندە 465 مىڭ تۇتقىن بولعان. 2023 -جىلدىڭ ءبىرىنشى قاڭتارىندا، جازالاردى وتەۋ فەدەرالدى قىزمەتى مالىمەتتەرى بويىنشا، ولاردىڭ سانى 433 مىڭ بولعان. سودان بەرى رەسەي بيلىگى مۇنداي اقپاراتتى جاريالاۋدى توقتاتتى. 2023 -جىلدىڭ قازان ايىندا رەسەي ادىلەت ءمينيسترىنىڭ ورىنباسارى ۆسيەۆولود ۆۋكولوۆ رەسەي كولونيالارىندا 266 مىڭ ادام بارىن ايتتى. ياعني سوعىسقا دەيىنگى ساننان بۇل 200 مىڭ ادامعا از. ВВС مالىمەتتەرى بويىنشا، 2023-2024 -جىلدارى سۆەردلوۆسك جانە نيجني نوۆگورود وبلىستارىندا، كراسنويارسك ولكەسىندە جانە كومي رەسپۋبليكاسىندا تۇرمەلەر جابىلعان.
ۆاگنەر
جۋرناليستەر زەرتتەۋلەرىندە "ۆاگنەر" جەكە اسكەري كومپانياسىنا تۇرمەلەردەن جينالعانداردىڭ سانىن ەسەپتەپ شىققان. ولاردىڭ ىشىندە ۋكراينانىڭ دونەتسك وبلىسىنداعى باحمۋتتى باسىپ العاندار بار. جۋرناليستەر تەرگەۋىندە قازا تاپقانداردىڭ تۋىستارىنا وتەماقى تولەۋ تۋرالى قۇجاتتارعا نەگىزدەلگەن. سەبەبى سوتتالعاندارعا رەتتىك نومىرلەر بەرىلەدى. قۇجاتتاردا كورسەتىلگەن ەڭ ۇلكەن نومىرگە سايكەس، "ۆاگنەر" ج ءا ك- تە 2022 -جىلدىڭ 1-شىلدەسىنەن باستاپ 2023 -جىلدىڭ 7-اقپانىنا دەيىن 48 مىڭ 366 ادام قابىلدانۋى مۇمكىن.
پريگوجيننەن كەيىن دە تۇرمەدەن جينادى
سول تەرگەۋ دەرەكتەرىنە سايكەس، مايداندا ج ءا ك- ءتىڭ 20 مىڭعا جۋىق جالدامالىسى قازا تاپقان بولۋى مۇمكىن، ونىڭ 17- ءسى تۇرمەلەردەن تارتىلعان. سوعىسقا قاتىسقاننان كەيىن تاعى 30 مىڭ ادام بوستاندىقتا بولۋى مۇمكىن. ءبىراق ۋكرايناعا قارسى سوعىسقا تۇرمەدەن ادام تارتۋ ەۆگەني پريگوجين قايتىس بولعاننان كەيىن دە جالعاستى.
"50 مىڭعا جۋىق ادامدى "ۆاگنەر" ج ءا ك باسشىسى بولعان ەۆگەني پريگوجين جينادى. بۇل كورسەتكىش قازىر قۇجاتتالعان جانە ول بۇل كورسەتكىشتى بىرنەشە رەت ايتقان. پريگوجين ولگەننەن كەيىن ورنىنا قورعانىس مينيسترلىگى كەلدى، ال قورعانىس مينيسترلىگى پريگوجينگە قاراعاندا الدەقايدا كوپ جالدايدى، - دەپ راستادى "رۋس سيدياشايا" قورىنىڭ جەتەكشىسى ولگا رومانوۆا.