رەسەيدە «ءۇش ءجۇز قازاق ەرتەگىسى» اتتى قوس تومدىق جارىق كوردى

 كىتاپتى ماسكەۋدەگى قازاق ەلشىلىگى تانىستىردى. جيناققا 19, 20-عاسىرلاردا ءتۇرلى باسپالار ارقىلى، ورىس تىلىندە جاريالانعان حالىق ەرتەگىلەرى ەنگەن.

رەسەيدەگى قازاقستان ەلشىسى داۋرەن ابايەۆ بۇل شىعارمالار قازاق حالقىنىڭ باي مادەنيەتىن تانىتىپ قانا قويماي، قازاقتىڭ ۇرپاقتان- ۇرپاققا جالعاسىپ كەلە جاتقان، دانالىق الەمىن پاش ەتەدى دەپ مالىمدەدى. جوبا قازاقستان مەن رەسەي اراسىنداعى دوستىق قارىم- قاتىناستى نىعايتۋعا باعىتتالعان.

ولەگ زيمارين، "ۆەس مير" باسپاسىنىڭ باس رەداكتورى:

- بۇل قوس تومدىق ەرتەگىلەر جيناعى وتكەن عاسىردىڭ 58-64-جىلدارى قازاق عىلىم اكادەمياسىنىڭ مۇراعاتتارىنداعى دەرەكتەرگە سۇيەنىپ جازىلعان. شىعارماشىلىق توپ قازاق عالىمدارىنىڭ جۇمىسىن وتە ۇقىپتىلىقپەن زەرتتەپ، جۇمىس ىستەدى. ويتكەنى بۇل اۋدارمالاردىڭ العاشقىسى سوناۋ 19-عاسىردىڭ باسىندا جارىق كورگەندىكتەن ولاردى جيناستىرۋ ءىسى ۇزاق ۋاقىتقا سوزىلعان. جۇمىس بارىسىندا ءبىز وسىنىڭ ءبارىن ەسكەردىك.

www.24.kz