تاشكەنت. KAZINFORM - ءساۋىردىڭ 29 ى كۇنى كامەلەتكە تولماعان ءۇش بالا ماسكەۋدەگى «التۋفيەۆو» الەۋمەتتىك وڭالتۋ ورتالىعىنىڭ قىزمەتكەرلەرىمەن بىرگە وزبەكستانعا قايتارىلدى. بۇل تۋرالى وزبەكستان ۇلتتىق الەۋمەتتىك قورعاۋ اگەنتتىگى حابارلادى.
تاشكەنت قالالىق ىشكى ىستەر باس باسقارماسىنا قاراستى كامەلەتكە تولماعاندارعا الەۋمەتتىك-قۇقىقتىق كومەك كورسەتۋ ورتالىعىندا بالالار ءۇشىن بارلىق قاجەتتى جاعداي جاسالعانى اتاپ ءوتىلدى. شۇعىل مەديتسينالىق تەكسەرۋدەن وتكىزۋ، پسيحولوگيالىق قولداۋ كورسەتۋ جاقسى جولعا قويىلعان.
«ادام» («ينسون») الەۋمەتتىك قىزمەت كورسەتۋ ورتالىقتارى بالالاردىڭ جاقىن تۋىستارىن انىقتاپ، ولاردى وتباسىلارىنا قايتارۋ بويىنشا ءتيىستى شارالار قابىلدادى.
2024 -جىلدان بەرى وزبەكستاننىڭ 40 تان استام كامەلەتكە تولماعان ازاماتى رەسپۋبليكاعا اكەلىنىپ، وتباسىلىق ورتاسىنا قايتارىلدى.
ەسكە سالا كەتەيىك، رەسەيدە اتا-اناسىنىڭ قامقورلىعىنسىز قالعان 16 بالا وزبەكستانعا قايتارىلدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан