رەسەي ولليگارحى سانكسيانى اينالىپ ءوتىپ، قازاقستان ارقىلى ۇشاق ساتىپ العان جوق - كوميتەت
كولىك مينيسترلىگى ءبىرقاتار اقپارات قۇرالىندا جاريالانعان مالىمەتتى جوققا شىعاردى، دەپ حابارلايدى Kazinform ازاماتتىق اۆياتسيا كوميتەتىنە سىلتەمە جاساپ.
ايتا كەتەيىك، كەي اقپارات كوزدەرىندە رەسەيلىك ولليگارح سانكسيانى اينالىپ ءوتىپ، قازاقستان ارقىلى جەكە ۇشاق ساتىپ العانى جونىندە جاڭالىقتار جاريالاندى.
وندا ميللياردەردىڭ قازاقستاندىق تاسىمالداۋشى Irtysh Air ارقىلى Falcon 7X بيزنەس دجەتىن 36 ميلليون دوللارعا ساتىپ العانى ايتىلادى.
دەگەنمەن ق ر كولىك مينيسترلىگى بۇل حاباردىڭ شىندىققا جاناسپايتىنىن جەتكىزدى.
«اۋە كەمەسىنىڭ بۇل ءتۇرى بۇرىن-سوڭدى قازاقستان ازاماتتىق اۋە كەمەلەرىنىڭ مەملەكەتتىك تىزىلىمىندە بولماعان. قازىرگى ۋاقىتتا Irtysh Air اۋە كومپانياسىنىڭ ازاماتتىق اۋە كەمەلەرىن پايدالانۋشى رەتىندە قولدانىستاعى سەرتيفيكاتى دا جوق جانە 10 جىلعا جۋىق ۋاقىتتان بەرى ۇشپاعان. اۋە كومپانياسى اۋە كەمەسىنىڭ بۇل ءتۇرىن ەشقاشان پايدالانباعان» دەپ مالىمدەدى مينيسترلىككە قاراستى ازاماتتىق اۆياتسيا كوميتەتى.
اۆتور
جانات قاپالبايەۆا