بۇل تۋرالى وزبەكستان سىرتقى ىستەر مينيسترلىگىنىڭ باسپا ءسوز حاتشىسى حابارلادى.
ساپار بارىسىندا ەكى ەلدىڭ سىرتقى ساياسات ۆەدومستۆولارىنىڭ باسشىلارى اراسىندا كەزدەسۋ مەن كەلىسسوز وتكىزۋ، سونداي-اق وزبەكستان- رەسەي ىنتىماقتاستىعىنىڭ وزەكتى ماسەلەلەرىن تالقىلاۋ جوسپارلانعانى اتاپ ءوتىلدى.
«كوممەرسانت» باسىلىمىنىڭ مالىمەتىنشە، رەسەي سىرتقى ىستەر ءمينيسترى وزبەكستان پرەزيدەنتى شاۆكات ميرزيەيەۆپەن دە كەزدەسەدى دەپ كۇتىلۋدە.
- كەزدەسۋ بارىسىندا قازىرگى كۇردەلى گەوساياسي جاعدايداعى سىرتقى ساياسي ىنتىماقتاستىققا باستى نازار اۋدارىلادى، - دەلىنگەن حابارلامادا.
سونداي-اق تاراپتار رەسەي پرەزيدەنتى ۆلاديمير پۋتيننىڭ 2024 -جىلعى مامىردا وزبەكستانعا مەملەكەتتىك ساپارى بارىسىندا قول جەتكىزىلگەن ۋاعدالاستىقتاردى ىسكە اسىرۋدى جانداندىرۋ ارقىلى رەسەي- وزبەكستان جان-جاقتى ستراتەگيالىق سەرىكتەستىگى مەن وداقتاستىق قاتىناستارىن ودان ءارى دامىتۋ ماسەلەلەرىن قاراستىرادى.
ەسكە سالا كەتەيىك، لاۆروۆ 22-23-ساۋىردە وزبەكستانعا باراتىنى جايلى جازعان ەدىك.
اۆتور
بەگابات ۇزاقوۆ