رەسەي سىرتقى ىستەر ءمينيسترى لاۆروۆ استاناعا جۇمىس ساپارىمەن كەلدى

استانا. KAZINFORM - رەسەي سىرتقى ىستەر ءمينيسترى سەرگەي لاۆروۆ استاناعا كەلىپ، بەيسەنبى كۇنى ق ر پرەمەر- ءمينيسترىنىڭ ورىنباسارى، سىرتقى ىستەر ءمينيسترى مۇرات نۇرتىلەۋمەن كەلىسسوزدەر جۇرگىزەدى، دەپ حابارلايدى ت ا س س اقپارات اگەنتتىگى.

رەسەي سىرتقى ىستەر ءمينيسترىنىڭ ەكى كۇندىك جۇمىس ساپارى 6-7-قاراشادا وتەدى. نۇرتىلەۋمەن كەلىسسوزدەردەن باسقا، لاۆروۆ استاناداعى جوعارى وقۋ ورىندارىنىڭ ءبىرىنىڭ وقىتۋشىلارى مەن ستۋدەنتتەرىمەن كەزدەسۋ وتكىزەدى.

بۇعان دەيىن ر ف س ءى م رەسمي وكىلى ماريا زاحاروۆانىڭ بايانداۋىنشا، كەلىسسوزدەر بارىسىندا سىرتقى ىستەر ۆەدومستۆولارىنىڭ باسشىلارى رەسەي پرەزيدەنتىنىڭ قازاقستانعا مەملەكەتتىك ساپارىن دايىنداۋعا ەرەكشە كوڭىل بولەدى. بۇدان باسقا، ەكىجاقتى كۇن ءتارتىبى، سونداي-اق ەكى تاراپتى دا قىزىقتىراتىن وزەكتى حالىقارالىق ماسەلەلەر تالقىلانادى.

«سونىمەن بىرگە، ورتاق ينتەگراتسيالىق الاڭداردا، ءبىرىنشى كەزەكتە ە ا ە و، ۇ ق ش ۇ، ت م د، ش ى ۇ بويىنشا ءوزارا ءىس-قيمىل تۋرالى پىكىر الماسۋ بولادى»، - دەپ حابارلادى رەسەيلىك ديپلومات.

بۇعان دەيىن، قازاقستان مەن رەسەي جولاۋشىلار تاسىمالىن قالپىنا كەلتىرۋ مۇمكىندىگىن قاراستىرىپ جاتقانى بەلگىلى بولدى.