لۋگانسكىدەگى سوعىس اۋماعىندا جۇرگەن 14 قازاقستاندىقتى 8-قازان ساعات 13:00 گە دەيىن ەلشىلىككە جەتكىزۋ جوسپارلانىپ وتىر. بۇل تۋرالى مايدان ايماعىندا جۇرگەن قازاقستاندىق اينابەك كەلدىبەكتىڭ اپكەسى سىمبات ەركىنبەك مالىمدەدى، دەپ حابارلايدى kznews.kz
سىمبات ەركىنبەكتىڭ ايتۋىنشا، بۇل اقپاراتتى قازاقستاننىڭ سىرتقى ىستەر مينيسترلىگى حابارلاعان.
«ءسۇيىنشى، حالقىم. بۇگىن 14 بالانى سوعىس اۋماعىنان تۇسكى ساعات 13:00 گە دەيىن ەلشىلىككە الىپ كەتەتىن بولدى. ءبىزدىڭ ەڭ العاشقى تالابىمىز - بالالاردى سوعىس اۋماعىنان اكەتۋ بولعان. سەبەبى كەز كەلگەن ۋاقىتتا ولاردى سوعىسقا اكەتىپ قالۋى مۇمكىن ەدى»، - دەپ جازدى ول.
ول جاعدايعا قاتىستى تولىق اقپارات كەيىنىرەك جاريالاناتىنىن ايتتى.
بۇعان دەيىن رەسەيگە جۇمىس ىستەۋگە بارعان قازاقستاندىق جاستار الەۋمەتتىك جەلىدە كومەك سۇراعان ەدى. ولاردىڭ تۋىستارى 7-قازاندا استاناداعى سىرتقى ىستەر مينيسترلىگىنىڭ عيماراتى الدىنا جينالىپ، جاقىندارىن ەلگە قايتارۋدى تالاپ ەتتى.