رەسەي پرەزيدەنتى قاسىم-جومارت توقايەۆقا «كەمەل توقايەۆ پەن قاسىم بولتايەۆتىڭ جاۋىنگەرلىك جولى» اتتى كىتاپ سىيلادى
18:33, 09 - مامىر 2025
استانا. KAZINFORM - بەيرەسمي اڭگىمەلەسۋ بارىسىندا ۆلاديمير پۋتين قاسىم-جومارت توقايەۆقا «كەمەل توقايەۆ پەن قاسىم بولتايەۆتىڭ جاۋىنگەرلىك جولى» اتتى كىتاپ سىيلادى.
عۇمىرباياندىق ەڭبەكتە كەمەل توقايەۆ پەن قاسىم بولتايەۆتىڭ مايدانداعى ءومىرىنىڭ تولىق حرونولوگياسى بەرىلىپ، ارحيۆ قۇجاتتارىمەن دايەكتەلگەن.
ايتا كەتەلىك، قاسىم بولتايەۆ رجيەۆ تۇبىندەگى قان مايداندا قازا تاۋىپ، ترۋبينو سەلوسىنداعى باۋىرلاستار زيراتىندا جەرلەنگەن.
وسىعان دەيىن ۆلاديمير پۋتين قاسىم-جومارت توقايەۆقا اكەسى كەمەل توقايەۆتى كەڭەس وداعىنىڭ باتىرى اتاعىمەن ماراپاتتاۋ پاراعىن تابىستاعانى تۋرالى جازدىق.
ايتا كەتەيىك، پرەزيدەنت قاسىم-جومارت توقايەۆ جەڭىستىڭ 80 جىلدىعىنا ارنالعان ءىس-شارالارعا قاتىسۋ ءۇشىن رەسەيگە بارعان بولاتىن.