استانا. KAZINFORM - رەسەي فەدەراتسياسىنىڭ پرەمەر-ءمينيسترى ميحايل ميشۋستين ۇكىمەت باسشىسى ولجاس بەكتەنوۆپەن كەزدەسۋىندە ەكى ەلدىڭ مادەني-گۋمانيتارلىق سالاداعى ىنتىماقتاستىعى بەلسەندى دامىپ كەلە جاتقانىن اتاپ ءوتتى.
- قازاقستاندا ماسكەۋ ۋنيۆەرسيتەتتەرىنىڭ فيليالدارى جۇمىس ىستەيدى. رەسەيدە 60 مىڭعا جۋىق قازاقستاندىق ستۋدەنت وقيدى. بيىل رەسەي ۇكىمەتى قازاقستانعا ۇسىناتىن كۆوتانى تاعى 100 ورىنعا، ياعني، بارلىعى 800 ستيپەندياعا دەيىن ۇلعايتتى. ءبىز ونى بارلىق جاعىنان قۇپتايمىز، - دەدى ول.
م. ميشۋستيننىڭ سوزىنشە، قازاقستاندا ورىس ءتىلىن دامىتۋعا ارنالعان حالىقارالىق ۇيىم جۇمىس ىستەي باستايدى.
ول قازاقستان پرەزيدەنتى قاسىم-جومارت توقايەۆتىڭ باستاماسىمەن قۇرىلعان.
وسىعان دەيىن ولجاس بەكتەنوۆ رەسەي كومپانيالارىن ينۆەستيسيالىق جوبالارعا بەلسەندى اتسالىسۋعا شاقىرعان بولاتىن.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан