رەسەي مەن وزبەكستان ءىرى ا ە س سالۋ مۇمكىندىگىن زەردەلەيتىن جۇمىس توبىن قۇردى

تاشكەنت. KAZINFORM - «روساتوم» كورپوراتسياسى مەن «Uzatom» اگەنتتىگى وزبەكستاندا ءىرى ا ە س سالۋ مۇمكىندىگىن زەردەلەۋگە ۋاعدالاستى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

ءتيىستى كەلىسىمگە «روساتوم» باسشىسى الەكسەي ليحاچيەۆ پەن «Uzatom» اگەنتتىگىنىڭ ديرەكتورى ازيم احمەدحادجايەۆ سانكت- پەتەربۋرگ حالىقارالىق ەكونوميكالىق فورۋمى اياسىندا قول قويدى. ونى سالۋ جۇمىسى قازىرگى ۋاقىتتا قولعا الىنعان از قۋاتتى اتوم ەلەكتر ستانسياسىنىڭ قۇرىلىسىمەن قاتار ءوربيدى.

ۇلكەن اەس ءارقايسىسىنىڭ قۋاتى 1000 مۆت بولاتىن ەكى ەنەرگوبلوكتان تۇرادى، دەگەنمەن ولاردىڭ سانىن تورتكە جەتكىزۋ مۇمكىندىگى دە قاراستىرىلادى.

- كەلىسىمگە قول قويۋ ا ە س-ءتى سالۋ مۇمكىندىگىن تولىق زەرتتەۋگە مۇمكىندىك بەرەدى. وسى ورايدا، جوبانىڭ تەحنيكالىق نەگىزدەمەسىن جانە ونىڭ قۇنىن باعالاۋمەن اينالىساتىن بىرلەسكەن جۇمىس توبى قۇرىلدى، - دەدى «Uzatom» اگەنتتىگىنىڭ ديرەكتورى ازيم احمەدحادجايەۆ.

جۇمىس توبىنىڭ تالداۋى نەگىزىندە وزبەكستاندا ءىرى اەس سالۋعا قاتىستى ناقتى شەشىم قابىلدانادى.

ەسكە سالايىق، بۇعان دەيىن وزبەكستان بيلىگى ءىرى ا ە س سالۋ مۇمكىندىگىن قاراستىرىپ جاتقانىن جازعان ەدىك.

سونىمەن قاتار قازىرگى ۋاقىتتا رەسمي تاشكەنت از قۋاتتى اەس سالۋعا كىرىستى. ءارقايسىسىنىڭ قۋاتى 55 مۆت بولاتىن 6 رەاكتور (جالپى قۋاتى - 330 مۆت) دجيزاك وبلىسىنداعى تۋزكان كولىندە بوي كوتەرەدى. ا ە س- ءتىڭ العاشقى رەاكتورى 2029 -جىلدىڭ سوڭىندا ىسكە قوسىلماق. ال ول تولىق قۋاتتا 2033 -جىلدان باستاپ جۇمىس ىستەيدى دەپ جوسپارلانعان.

جاقىندا Uzatom اگەنتتىگىنىڭ ديرەكتورى ازيم احمەدحادجايەۆ نىساننىڭ قۇنى 2 ميلليارد دوللاردان اسپايتىنىن ايتتى. وزبەكستان ا ە س- كە قاجەتتى سالقىنداتۋ جۇيەسىن ماجارستاننان الۋدى جوسپارلاپ وتىر.

وسىعان ساي، وزبەكستان مەن رەسەي ا ە س سالۋ كەلىسىمشارتىنىڭ كۇشىنە ەنۋ حاتتاماسىنا قول قويدى.