رەسەي قورعانىس مينيسترلىگىنىڭ حابارلاۋىنشا، مۇنداي شەشىمدى ر ف قارۋلى كۇشتەرىنىڭ جوعارعى باس قولباسشىسى ۆلاديمير پۋتين قابىلداعان.
- ۋكراينا تاراپى دا ءبىزدىڭ ۇلگىمىزدى ۇستانادى دەپ ۇمىتتەنەمىز، - دەپ اتاپ ءوتتى اسكەري ۆەدومستۆو.
سونداي-اق بەرىلگەن اقپاراتقا سايكەس، مەرەكەلىك ءىس-شارالاردىڭ قاۋىپسىزدىگىن قامتاماسىز ەتۋ ءۇشىن بارلىق قاجەتتى شارالار قابىلداناتىنى دا ايتىلعان.
ال ۋكراينا پرەزيدەنتى ۆلاديمير زەلەنسكي 6-مامىردان باستاپ ءبىتىم رەجيمى ەنگىزىلەتىنىن مالىمدەدى. بۇل تۋرالى مەملەكەت باسشىسى ءوزىنىڭ Telegram ارناسىندا جازدى.
- ءبىز ادام ءومىرىن كەز كەلگەن مەرەيتويدى اتاپ وتۋدەن الدەقايدا قىمبات دەپ سانايمىز. وسىعان بايلانىستى 5-مامىردان 6-مامىرعا قاراعان تۇنگى ساعات 00:00-دەن باستاپ تىنىشتىق رەجيمىن جاريالايمىز، - دەدى ول.
ونىڭ ايتۋىنشا، كيەۆ اتىستى توقتاتۋ شارتتارىنا قاتىستى ەشقانداي رەسمي ۇسىنىس الماعان.
ايتا كەتەيىك، بۇعان دەيىن پۋتين ترامپقا جەڭىس كۇنى قارساڭىندا كەلىسىم جاساۋعا دايىن ەكەنىن مالىمدەدى.
ال وعان دەيىن زەلەنسكي رەسەيمەن كەلىسسوزدەردى ازەربايجاندا وتكىزۋدى ۇسىندى.