بۇل كەزدەسۋ توعىز ايعا جۋىق ۇزىلىستەن كەيىن ءۇش تاراپ قاتىساتىن العاشقى كەلىسسوز بولماق. تاراپتار سوعىس قيمىلدارىن توقتاتۋ شارتتارىن، قاۋىپسىزدىك كەپىلدىكتەرىن جانە گۋمانيتارلىق ماسەلەلەردى تالقىلاۋدى جوسپارلاپ وتىر.
ا ق ش اتىنان كەلىسسوزگە ستيۆ ۋيتكوفف پەن دجارەد كۋشنەر قاتىسادى دەپ كۇتىلەدى. ال رەسەي مەن ۋكراينا دەلەگاتسيالارىنىڭ قۇرامى ازىرگە جاريالانعان جوق.
ۋيتكوففتىڭ ايتۋىنشا، كەزدەسۋدە سوعىس اياقتالعاننان كەيىنگى قاۋىپسىزدىك ماسەلەلەرى، شيەلەنىستى باسەڭدەتۋ، گۋمانيتارلىق باستامالار جانە بەيبىت كەلىسىمگە قول جەتكىزۋدىڭ كەلەسى قادامدارى قاراستىرىلادى.
«بۇل - پرەزيدەنت دونالد ترامپتىڭ سوعىستى توقتاتۋ جونىندەگى باستاماسىن جۇزەگە اسىرۋداعى كەزەكتى قادام»، دەپ جازدى اق ءۇي وكىلى х الەۋمەتتىك جەلىسىندە.
2026 -جىلى رەسەي، ۋكراينا جانە ا ق ش وكىلدەرى ءۇش رەت كەزدەستى. كەلىسسوزدەردىڭ العاشقى ەكى كەزەڭى 23- 24 -قاڭتار جانە 4- 5 -اقپاندا ابۋ-دابيدە، ال ءۇشىنشى كەزدەسۋى 17- 18- اقپاندا جەنيەۆادا ءوتتى. ەكىنشى كەزەڭنىڭ قورىتىندىسى بويىنشا تاراپتار تۇتقىن الماسىپ، ەكى جاقتان 157 ادامنان، جالپى 314 ادام بوساتىلدى. ال جەنيەۆاداعى كەزدەسۋ ساياسي كەلىسىمگە جەتكىزبەگەنىمەن، تاراپتار كونسۋلتاتسيالاردى جالعاستىرۋعا ۋاعدالاسقان.
سوڭعى كەزدەسۋدى ناۋرىز ايىندا وتكىزۋ جوسپارلانعان ەدى. الايدا ا ق ش پەن يزرايلدىڭ يرانعا قارسى سوعىسى باستالعاننان كەيىن كەلىسسوزدەر كەيىنگە شەگەرىلدى. سودان بەرى ءۇشجاقتى فورماتتاعى كەزدەسۋ وتكەن جوق.