نورمالار 2026 -جىلعى 3 -قاراشادا كۇشىنە ەندى. ايىپپۇلدان بولەك اكىمشىلىك جولمەن جەر اۋدارۋدى كوزدەيتىن ا ق ب ت ك باپتارىنىڭ سانى 22-دەن 45-كە دەيىن ءوستى.
اتاپ ايتقاندا:
- پوليتسيا قىزمەتكەرىنىڭ نەمەسە مەملەكەتتىك شەكارانى كۇزەتەتىن اسكەري قىزمەتشىنىڭ تالابىنا باعىنباۋ؛
- ۇساق بۇزاقىلىق جانە قوعامدىق ءتارتىپتى بۇزۋ؛
- جۇرتشىلىق الدىندا وتكىزىلەتىن ءىس-شارالاردى وتكىزۋ ەرەجەسىن بۇزۋ؛
- ينتەرنەتتە ادامنىڭ قادىر-قاسيەتىن جانە قوعامدىق يماندىلىقتى قورلايتىن اقپاراتتى تاراتۋ؛
- جىنىسى، ءناسىلى، ۇلتى، ءتىلى، جاسى، دىنگە قاتىناسى جانە وزگە دە بەلگىلەرى بويىنشا كەمسىتۋ؛
- ناتسيستىك جانە ەكسترەميستىك رامىزدەردى ناسيحاتتاۋ، ەكسترەميستىك ماتەريالداردى تاراتۋ؛
- توتەنشە جاعداي، تەرروريزمگە قارسى وپەراتسيا نەمەسە اسكەري جاعداي رەجيمىن بۇزۋ.
بۇدان بولەك، جەر اۋدارۋدى جازانىڭ باسقا تۇرىمەن الماستىرۋعا بولمايتىن قۇقىق بۇزۋشىلىقتار ءتىزىمى كەڭەيتىلدى. وعان، اتاپ ايتقاندا، ەسىرتكى اينالىمىنا قاتىستى قۇقىق بۇزۋشىلىقتار ەنگىزىلدى.
مەملەكەتتىك دۋما ءتوراعاسى ۆياچەسلاۆ ۆولودين رەسەيگە كەلەتىندەر زاڭداردى ساقتاۋى، ورىس ءتىلىن ءبىلۋى، ەلدىڭ مادەنيەتى مەن ءداستۇرىن قۇرمەتتەۋى ءتيىس ەكەنىن اتاپ ءوتتى. بۇل شارالار قوعامدىق قاۋىپسىزدىكتى ارتتىرۋعا جانە كوشى-قون سالاسىندا ءتارتىپ ورناتۋعا باعىتتالعان.