استانا. قازاقپارت - 2025 -جىلدىڭ العاشقى ءتورت ايىندا رەسەي ەڭ كوپ شوكولادتى قازاقستان، ازەربايجان جانە وزبەكستانعا ساتتى. سونىمەن قاتار، يمپورتتاۋشىلاردىڭ العاشقى وندىعىنا قىتاي مەن گەرمانيا دا كىردى، دەپ جازدى Oxu.Az ب ۇ ۇ-نىڭ Comtrade پلاتفورماسىنداعى دەرەككە سىلتەمە جاساپ.
رەسەيلىك شوكولادتىڭ باستى يمپورتتاۋشىسى - قازاقستان. 2025 -جىلدىڭ قاڭتار- ءساۋىر ايلارىندا بۇل ەلگە جەتكىزىلگەن شوكولادتىڭ جالپى قۇنى 78,3 ميلليون ا ق ش دوللارىن قۇرادى.
ەكىنشى ورىندا - ازەربايجان، بۇل ەلگە تاسىمالدانعان شوكولادتىڭ قۇنى شامامەن ءۇش ەسە از - 23,4 ميلليون دوللار. ودان كەيىنگى ورىنداردا:
وزبەكستان - 21,4 ميلليون دوللار،
قىرعىزستان - 14,7 ميلليون دوللار،
گرۋزيا - 8 ميلليون دوللار.
قىتاي رەسەيلىك شوكولادتى ساتىپ الۋ بويىنشا التىنشى ورىندا - 7,4 ميلليون دوللار. بۇدان كەيىن ارمەنيا، سەربيا، مولدوۆا ەلدەرى تۇر، ال گەرمانيا 2,1 ميلليون دوللارلىق يمپورتپەن العاشقى وندىقتى قورىتىندىلاپ تۇر.
ال كەرىسىنشە قازاقستاندىق شوكولاد قاي ەلدەرگە ساتىلاتىنىن بىلگىڭىز كەلسە مىنا سىلتەمەگە ءوتىڭىز.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан