بۇل باستاما دامۋ باسىمدىعى بار اۋماقتاردىڭ رەزيدەنتتەرى بولىپ تابىلاتىن جۇمىس بەرۋشىلەردەن جۇمىس ىستەۋگە رۇقسات العان شەتەل ازاماتتارىنا قاتىستى. بۇل تۋرالى ۆەدومستۆونىڭ زاڭ جوباسىندا ايتىلعان، دەپ حابارلايدى اگەنتتىك ءتىلشىسى.
قولدانىستاعى ەرەجەلەرگە سايكەس، شەتەل ازاماتتارى جۇمىس ىستەۋگە رۇقسات الۋ ءۇشىن ورىس ءتىلىن، رەسەي تاريحىن جانە زاڭناما نەگىزدەرىن بىلەتىنىن راستاۋعا ءتيىس. زاڭ جوباسى دامۋ باسىمدىعى بار اۋماقتاردىڭ رەزيدەنتتەرى بولىپ تابىلاتىن جۇمىس بەرۋشىلەردە ەڭبەك ەتەتىن، سونداي-اق وسىنداي جۇمىس بەرۋشىلەر مەن قىزمەتتەرگە تاپسىرىس بەرۋشىلەر ءۇشىن جۇمىس ورىندايتىن شەتەلدىك قىزمەتكەرلەرگە قاتىستى ەرەكشەلىكتەردى كەڭەيتۋدى كوزدەيدى.
رەسەي ەكونوميكالىق دامۋ مينيسترلىگىنىڭ مالىمەتىنشە، مۇنداي اۋماقتار مونوقالالاردا، جابىق اكىمشىلىك- اۋماقتىق قۇرىلىمداردا، قيىر شىعىس پەن اركتيكا ايماعىندا ورنالاسقان. اتاپ ايتقاندا، قيىر شىعىستا دامۋ باسىمدىعى بار 16 اۋماق، ال اركتيكادا تاعى ەكى اۋماق بار.
ۇسىنىلىپ وتىرعان شارا ينۆەستيتسيا تارتۋعا قولايلى جاعداي جاساۋعا جانە وسى اۋماقتاردىڭ الەۋمەتتىك-ەكونوميكالىق دامۋىن جەدەلدەتۋگە باعىتتالعان.
وسىعان دەيىن رەسەيدىڭ بۇكىل اۋماعىندا ميگرانتتاردى باقىلاۋدىڭ جاڭا جۇيەسى ەنگىزىلەتىنى تۋرالى جازدىق.