رەسەيدە ءبىرقاتار سەرۆيستىڭ جۇمىسى جاپپاي ىستەن شىقتى

بۇل تۋرالى Kazinform ت ا س س اگەنتتىگىنە سىلتەمە جاساپ حابارلايدى.

«ياندەكس پەي» تولەم سەرۆيسىنىڭ ء(بىر تاۋلىكتە 12 مىڭ شاعىم)، «ياندەكس» ىزدەۋ جۇيەسىنىڭ (11 مىڭ شاعىم)، «ياندەكس ەدا» (1,8 مىڭ شاعىم)، «ياندەكس مۋزىكا» (1,3 مىڭ شاعىم) جانە «ياندەكس Go» (7,4 مىڭ شاعىم) قولدانبالارىنىڭ جۇمىسىندا اقاۋلار بايقالعان.

سونداي-اق «ماگنيت» دۇكەندەر جەلىسىنىڭ قولدانباسىنا (4,3 مىڭ شاعىم) جانە DDX Fitness فيتنەس-كلۋبتارى جەلىسىنىڭ قولدانباسىنا (1,5 مىڭ شاعىم) قاتىستى دا شاعىمدار تۇسكەن.

«سبوي. ر ف» سەرۆيسىنىڭ مالىمەتىنشە، «كينوپويسك» قىزمەتىندە 3759، «دودو پيتستسادا» 927، Lamoda قولدانباسىندا 542 جانە «ۆكۋسنو - ي توچكا» جەلىسىندە 806 اقاۋ تۋرالى شاعىم تىركەلگەن.

ەسكە سالايىق، بۇعان دەيىن قازاقستاندا Yandex Go سەرۆيستەرىنىڭ جۇمىسى توقتاعانىن حابارلاعانبىز.

كومپانيانىڭ باسپا ءسوز قىزمەتى كەيبىر سەرۆيستەردە اقاۋ بار ەكەنىن راستادى. قازىر ماماندار ولاردىڭ جۇمىسىن قالپىنا كەلتىرۋگە كۇش سالىپ جاتىر. الايدا قىزمەتتەردىڭ قاشان تولىق ىسكە قوسىلاتىنى ازىرگە بەلگىسىز.

ياندەكس وكىلدەرىنىڭ تۇسىندىرۋىنشە، كۇردەلى تسيفرلىق سەرۆيستەردىڭ جۇمىسى ءارتۇرلى ەلدەردە ورنالاسقان سەرۆەرلەرگە تاۋەلدى. سوندىقتان ءبىر سەرۆەردەگى اقاۋ باسقا ەلدەردەگى قىزمەتتەردىڭ جۇمىسىنا دا اسەر ەتۋى مۇمكىن.