رەسەيگە بارماي قويا تۇرىڭىزدار - ەلشىلىك قىرعىزستاندىقتارعا وسىنداي كەڭەس بەردى
استانا. KAZINFORM - قىرعىز رەسپۋبليكاسىنىڭ رەسەي فەدەراتسياسىنداعى ەلشىلىگى رەسەيگە كىرۋگە دالەلدى سەبەپتەرى جوق قىرعىزستاندىقتارعا ونىڭ اۋماعىنا بارۋدان ۋاقىتشا باس تارتۋدى ۇسىنادى.
قىرعىزستان رەسپۋبليكاسى سىرتقى ىستەر مينيسترلىگىنىڭ حابارلاۋىنشا، ۇسىنىمدار رەسەي اۋماعىندا ەنگىزىلگەن قوسىمشا قاۋىپسىزدىك شارالارىن جانە شەتەل ازاماتتارىنىڭ مەملەكەتتىك شەكارا ارقىلى وتۋىنە باقىلاۋدى كۇشەيتۋ رەجيمىن جالعاستىرۋعا قاتىستى.
قاجەت بولعان جاعدايدا قىرعىزستان ازاماتتارى ەلشىلىكتەن ءتيىستى كومەك نەمەسە كەڭەس الا الادى.
بۇعان دەيىن قىرعىزستاننىڭ سىرتقى ىستەر مينيسترلىگى ەل ازاماتتارىن قوسىمشا قاۋىپسىزدىك شارالارى ەنگىزىلگەنشە جانە مەملەكەتتىك شەكارا ارقىلى كىرۋدى كۇشەيتىلگەن باقىلاۋ رەجيمى جويىلمايىنشا رەسەيگە بارۋدان ۋاقىتشا باس تارتۋعا شاقىرعان بولاتىن.