تامىز ايىنان باستاپ جابايى اڭداردىڭ ەلدى مەكەندەرگە ءجيى كەلە باستاعانى تىركەلىپ وتىر. مۇنداي جاعدايلار نەگىزىنەن كراسنويار ولكەسىندە، بۋرياتيادا، حاكاسيادا، تىۆادا، التاي رەسپۋبليكاسىندا، كۋزباستا جانە ساحاليندە بايقالادى.
ايۋلاردىڭ ەلدى-مەكەندەرگە جاقىنداۋىنىڭ ءبىر سەبەبى رەتىندە ورمانداردا قورەكتىڭ جەتىسپەۋى اتالىپ وتىر. ازىق ىزدەگەن ايۋلار ادامدارعا جاقىندايدى، بۇل ولاردىڭ شابۋىل جاساۋ قاۋپىن ارتتىرادى.
مەملەكەتتىك مونيتورينگ دەرەكتەرىنە سايكەس، سوڭعى 30 جىلدا رەسەيدەگى قوڭىر ايۋلاردىڭ سانى ەكى ەسەدەن استام ءوسىپ، 300 مىڭ باسقا جەتكەن.
وسىعان بايلانىستى رەسەي ۇكىمەتى قوڭىر ايۋلاردىڭ پوپۋلياتسياسىن رەتتەۋ جونىندەگى كەشەندى شارالاردى ازىرلەپ جاتىر. باستامانىڭ ماقساتى - ادامدار مەن جابايى جانۋارلاردىڭ ءقاۋىپسىز قاتار ءومىر ءسۇرۋىن قامتاماسىز ەتۋ.
بۇعان دەيىن شىعىس قازاقستان وبلىسىنداعى ريددەر قالاسىندا ايۋلاردىڭ تۇرعىن ۇيلەرگە قايتادان جاقىنداعانى حابارلانعان بولاتىن.
turkystan.kz