رەسەي الياسكا سامميتىنەن كەيىن ترامپتىڭ جاۋاپ ساپارىن كۇتەدى

بۇل تۋرالى ر ف س ءى م ەرەكشە تاپسىرمالار جونىندەگى ەلشىسى روديون ميروشنيك مالىمدەدى.

- مەن ءبىر نارسەنى ايتا الامىن: ءبىز سيممەتريالى ارەكەتتەر تۋرالى ايتىپ وتىرمىز. ەگەر رەسەي باسشىسى ا ق ش اۋماعىنا باراتىن بولسا، ءبىز قۇراما شتاتتار كوشباسشىسىنىڭ رەسەي اۋماعىنا ءوزارا ساپارىن كۇتەمىز، - دەدى ميروشنيك.

ونىڭ ايتۋىنشا، بۇل رەسەي مەن ا ق ش اراسىنداعى قارىم-قاتىناستاردىڭ ارى قاراي ارتا ءتۇسۋىن اڭعارتادى. بۇل رەتتە قيسىندى جانە ەكى ءىرى گەوساياسي دەرجاۆا اراسىنداعى قارىم-قاتىناس ۋكراينامەن عانا شەكتەلمەيدى.

ميروشنيكتىڭ اتاپ وتۋىنشە، ا ق ش پەن رەسەي اراسىندا حالىقارالىق، جاھاندىق سيپاتتاعى، تىكەلەي ەكونوميكالىق، مادەني، سپورتتىق جانە باسقا دا قارىم-قاتىناستار سياقتى اۋقىمدى ماسەلەلەر بار، ولاردىڭ كوپشىلىگى توقتاپ قالدى جانە ەكى جاقتىڭ دا مۇددەلەرى ءۇشىن دامۋى كەرەك.

بۇعان دەيىن رەسەي دەلەگاتسياسى الياسكاعا كەلگەنىن جازعان بولاتىنبىز.

بۇعان دەيىن ا ق ش پرەزيدەنتى دونالد ترامپ رەسەي كوشباسشىسى ۆلاديمير پۋتينمەن بولاتىن كەزدەسۋىنىڭ ءساتتى وتەتىنىنە 75 پايىزعا سەنىمدى ەكەنىن مالىمدەدى.