مينيسترلىك بۇل اقپاراتتىڭ شىندىققا سايكەس كەلمەيتىنىن رەسمي تۇردە مالىمدەدى.
- الەۋمەتتىك جەلىلەردە 14 قازاقستان ازاماتى قاقتىعىس اۋماعىنان قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنە جەتكىزىلەدى دەگەن راستالماعان مالىمەت تاراپ جاتىر. بۇل تاقىرىپتىڭ قوعام ءۇشىن، اسىرەسە ازاماتتارىمىزدىڭ تۋعان-تۋىستارى ءۇشىن قانشالىقتى ماڭىزدى ەكەنىن تولىقتاي تۇسىنەمىز. سوندىقتان تەكسەرىلمەگەن مالىمەتتەردى تاراتۋعا مۇلدەم جول بەرىلمەۋى ءتيىس، - دەپ جازىلعان ق ر س ءى م مالىمدەمەسىندە.
ۆەدومستۆونىڭ حابارلاۋىنشا، مۇنداي اقپارات جاقىندارىنان حابار كۇتىپ وتىرعان وتباسىلاردى اداستىرادى، نەگىزسىز ءۇمىت تۋدىرادى ءارى ازاماتتاردى قورعاۋ جونىندەگى مينيسترلىكتىڭ جۇمىسىنا كەرى اسەرىن تيگىزۋى مۇمكىن.
- مينيسترلىك رەسەي تاراپىمەن ءتۇرلى دەڭگەيدە جۇمىسىن جالعاستىرىپ كەلەدى. ماسەلە تۇراقتى باقىلاۋدا. بۇل جۇمىستىڭ ناتيجەلەرى تۋرالى س ءى م قوسىمشا حابارلايدى. ازاماتتار مەن باق وكىلدەرىن تەك رەسمي دەرەككوزدەرگە سۇيەنۋگە شاقىرامىز، - دەدى س ءى م.
ايتا كەتەيىك، ەل زاڭناماسىندا جالعان اقپارات تاراتقانى ءۇشىن جاۋاپكەرشىلىك كوزدەلگەن.
بۇعان دەيىن ق ر سىرتقى ىستەر مينيسترلىگى رەسەيمەن قاقتىعىس ايماعىنداعى قازاقستاندىقتاردى ەلگە قايتارۋ بويىنشا كەلىسسوز جۇرگىزىپ جاتقانى حابارلاندى.