رۋسلان جەلدىباي ەۋروپالىق ۇيىم وكىلدەرىمەن ب ا ق بوستاندىعىن تالقىلادى
20:45, 14 - قاراشا 2023
پرەزيدەنتتىڭ ىشكى ساياسات جانە كوممۋنيكاتسيالار جونىندەگى كومەكشىسى رۋسلان جەلدىباي ە ق ى ۇ وكىلدەرىمەن كەزدەستى، دەپ حابارلايدى Kazinform.
قازاقستان رەسپۋبليكاسى پرەزيدەنتىنىڭ ىشكى ساياسات جانە كوممۋنيكاتسيالار ماسەلەلەرى جونىندەگى كومەكشىسى رۋسلان جەلدىباي ە ق ى ۇ- نىڭ ب ا ق بوستاندىعى ماسەلەلەرى جونىندەگى وكىلى تەرەزا ريبەيرومەن كەلىسسوز جۇرگىزدى.
سونداي-اق كەزدەسۋگە استاناداعى ە ق ى ۇ باعدارلامالار كەڭسەسىنىڭ باسشىسى فولكەر فروبارت پەن ە ق ى ۇ ب ا ق بوستاندىعى ماسەلەلەرى جونىندەگى كەڭسەسىنىڭ ديرەكتورى يۋرگەن حەيسسەل قاتىستى.
اڭگىمە بارىسىندا تاراپتار ماسس-مەديا سالاسىنداعى زاڭنامانى جەتىلدىرۋ جانە قازاقستاندا بۇقارالىق اقپارات قۇرالدارىن دامىتۋ باعىتىنداعى ىنتىماقتاستىقتىڭ وزەكتى ماسەلەلەرىن تالقىلادى.