رۋسلان جەلدىباي جاڭا قىزمەتكە تاعايىندالدى

استانا. KAZINFORM - قازاقستان پرەزيدەنتىنىڭ كەڭەسشىسى - باسپا ءسوز حاتشىسى رۋسلان جەلدىباي حالىقارالىق دزيۋدو فەدەراتسياسىنىڭ (IJF) جاڭا تەحنولوگيالار جانە تيىمدىلىكتى ارتتىرۋ بويىنشا كوميسسياسىنىڭ ديرەكتورى قىزمەتىن اتقارادى.

بۇل تۋرالى رۋسلان جەلدىباي ءوزىنىڭ الەۋمەتتىك جەلىدەگى پاراقشاسىندا ءمالىم ەتتى.

- حالىقارالىق دزيۋدو فەدەراتسياسىنىڭ (IJF) جاڭا تەحنولوگيالار جانە تيىمدىلىكتى ارتتىرۋ بويىنشا كوميسسياسىنىڭ ديرەكتورى قىزمەتىنە تاعايىندالدىم. بۇل - قوسىمشا قوعامدىق قىزمەت. سەنىم بىلدىرگەن IJF باسشىلىعىنا، ماريۋس ۆيزەر مىرزاعا العىس بىلدىرەمىن، - دەپ جازدى ول.

قازاقستان پرەزيدەنتىنىڭ باسپا ءسوز حاتشىسىنىڭ سوزىنشە، ەلىمىزدىڭ حالىقارالىق سپورت ۇيىمدارىندا وكىلدەرىنىڭ بولۋى - وتە ماڭىزدى.

- بۇل قادام ارقىلى ەلىمىزدىڭ بەدەلىن نىعايتۋمەن قاتار، تاجىريبە دە الماسامىز. دزيۋدونى ەلىمىزدە دامىتۋ باعىتىندا ءبىراز جۇمىس اتقارىلىپ جاتىر. ءالى دە ماسەلە جەتەرلىك. دزيۋدونى كەڭىنەن دامىتۋ ءۇشىن ارنايى اكادەميا، ال ايماقتاردا ورتالىقتار قاجەت بولىپ تۇر. حالىقارالىق ىنتىماقتاستىقتى دا ارتتىرامىز. وسى ىسكە بارىنشا ءوز ۇلەسىمدى قوسامىن، - دەپ تۇيىندەدى ول.

بۇعان دەيىن 17-اقپاندا مەملەكەت باسشىسىنىڭ جارلىعىمەن رۋسلان جەلدىباي قازاقستان رەسپۋبليكاسى پرەزيدەنتىنىڭ ىشكى ساياسات ماسەلەلەرى جانە كوممۋنيكاتسيالار جونىندەگى كومەكشىسى لاۋازىمىنان بوساتىلىپ، قازاقستان رەسپۋبليكاسى پرەزيدەنتىنىڭ كەڭەسشىسى - پرەزيدەنتتىڭ باسپا ءسوز حاتشىسى لاۋازىمىنا تاعايىندالدى.