ەرەسەكتەر اراسىندا 13 جاسار اۋىر اتلەت ەل چەمپيونى اتاندى

قوستاناي. KAZINFORM - قوستاناي قالاسىندا اۋىر اتلەتيكادان ەرەسەكتەر اراسىندا ءوتىپ جاتقان قازاقستان چەمپيوناتىنىڭ ەكىنشى كۇنىندە ەرەكشە وقيعا تىركەلدى.

سپورتتى دامىتۋ ديرەكتسياسىنان ءمالىم ەتكەنىندەي، ايەلدەر اراسىندا 55 كەلىگە دەيىنگى سالماقتا 2010-جىلعى كسەنيا پروزوروۆا ەرەسەكتەر اراسىنداعى ءوزىنىڭ العاشقى بىرىنشىلىگىندە قارسىلاستارىنان وق بويى الدا بولدى.

الماتى وبلىسىنىڭ وكىلى ك. پروزوروۆا قوسسايىس قورىتىندىسىندا 175 كەلى ناتيجە (80+95) كورسەتتى.

اقمولا وبلىسىنان كەلگەن يۋليا تروشكينا 155 كەلىمەن (72-83) كۇمىس، ۇلىتاۋلىق نۇرسىيلا بەرىكبول 146 كەلىمەن (64+82) قولا جۇلدەگە يە بولدى.

«ەشقانداي دەمالىسسىز ەڭبەكتەنۋدىڭ ارقاسىندا وسىنداي تابىسقا قول جەتكىزدىم. بولاشاققا دەگەن ءۇمىتىم زور. ءىرى حالىقارالىق دودالاردا توپ جارىپ، الەمدىك رەكوردتار ورناتۋعا بار كۇشىمدى سالامىن»، - دەدى ك. پروزوروۆا.

ەرلەر اراسىندا 61 كەلىگە دەيىنگى (وليمپيادالىق سالماقتا) مىنا سپورتشىلارعا جۇلدە بۇيىردى.

1.ماقسات قۋانتقان ( قىزىلوردا وبلىسى) - 263 كەلى (118+145)،

ء2.اليحان اسكەرباي (جەتىسۋ وبلىسى) - 254 كەلى (114 +140)،

3.ەرناز الپىسوۆ (ش ق و) - 251 كەلى (110 +141).