رەسپۋبليكالىق ەتنو-فەستيۆالدە «شولپى تاعۋ» ءداستۇرى كورسەتىلدى
استانا. KAZINFORM - «بوزوق» مۋزەي-قورىعىندا رەسپۋبليكالىق ەتنو-فەستيۆال ۇيىمداستىرىلدى.
«بوزوق» مەملەكەتتىك تاريحي-مادەني مۋزەي-قورىعىندا رەسپۋبليكالىق ەتنو-فەستيۆال ءوتتى. ءىس-شارا بارىسىندا كوپشىلىك نازارىنا «شولپى تاعۋ» ءداستۇرى كورسەتىلدى.
فەستيۆالگە مەملەكەتتىك ورگاندار وكىلدەرى، عالىمدار، ارحەولوگتار، ەتنولوگتار، وقىتۋشىلار مەن ستۋدەنتتەر قاتىستى. قوناقتار ۇلتتىق داستۇرلەردى تاماشالاپ قانا قويماي، وزدەرى دە قاتىسىپ، سالت- ءداستۇردىڭ ناسيحاتتالۋىنا اتسالىستى.
ق ر م ا م مادەنيەت كوميتەتىنىڭ ءتوراعاسى كۇمىس سەيىتوۆا مادەني مۇرانىڭ ساقتالۋى حالىقتىڭ تاربيەسى مەن بىلىمىنە ايتارلىقتاي اسەر ەتەتىنىن اتاپ ءوتتى.
«مەملەكەت باسشىسى ماتەريالدىق جانە ماتەريالدىق ەمەس مادەني مۇرانى ساقتاۋعا كوپ كوڭىل بولەدى. رۋحاني مۇرا - مەملەكەت قۇندىلىقتارىنىڭ ءبىرى. الەمدىك تاجىريبەدە مادەني مۇرا اسا ماڭىزدى الەۋمەتتىك فۋنكتسياسى بار مادەنيەتتىڭ ءبىر بولىگى رەتىندە قابىلدانادى»، - دەپ اتاپ ءوتتى كۇمىس سەيىتوۆا.
بويجەتكەن قىزدار تاعاتىن شولپى مەن شاشباۋ اشەكەيلەرى تەك ساندىك تۇرعىدا قولدانىلمايدى، ونىڭ قازاق مادەنيەتىندەگى ءمانى مەن ماڭىزى وتە تەرەڭ.
اۆتور
باقىتگۇل اباي قىزى