2026-جىلى قازاقستاندىقتار رەسپۋبليكا كۇنىنە وراي قاتارىنان ءۇش كۇن دەمالادى. سەبەبى بيىل 25-قازان جەكسەنبىگە ءتۇسىپ، دەمالىس كۇنى دۇيسەنبىگە، 26-قازانعا اۋىستىرىلادى.
قازان ايىنداعى دەمالىس كۇندەرى
بەس كۇندىك جۇمىس اپتاسى كەزىندە قازاقستاندىقتار قازان ايىندا بارلىعى 10 كۇن دەمالادى. التى كۇندىك جۇمىس اپتاسىمەن ەڭبەك ەتەتىن ازاماتتار ءۇشىن ايداعى دەمالىس كۇندەرىنىڭ سانى - 5 كۇن.
وسىلايشا، رەسپۋبليكا كۇنىنە وراي بەس كۇندىك جۇمىس اپتاسىنداعىلار 24، 25 جانە 26-قازاندا دەمالادى.
رەسپۋبليكا كۇنى قاشان اتاپ وتىلەدى؟
رەسپۋبليكا كۇنى - قازاقستاننىڭ ۇلتتىق مەرەكەسى. ول 1990-جىلعى 25-قازاندا قازاق ك س ر جوعارعى كەڭەسى قابىلداعان مەملەكەتتىك ەگەمەندىك تۋرالى دەكلاراتسيانىڭ قۇرمەتىنە اتاپ وتىلەدى.
بۇل تاريحي قۇجات قازاقستاننىڭ تاۋەلسىز مەملەكەت رەتىندە قالىپتاسۋىنا نەگىز بولعان ماڭىزدى قادامداردىڭ ءبىرى سانالادى.
2022-جىلى رەسپۋبليكا كۇنىنە ۇلتتىق مەرەكە مارتەبەسى قايتا بەرىلدى. سودان بەرى بۇل كۇن ەلىمىزدە جىل سايىن 25-قازاندا اتاپ وتىلەدى.