رەسپۋبليكا كۇنىنە وراي ەلىمىزدە ءوتىپ جاتقان «Republic Day» جانە «Bereke Fest» رەسپۋبليكالىق اكسيالارىنا قىزىلوردا وبلىسى دا بەلسەندى قاتىسىپ جاتىر. اكسياعا وبلىس بويىنشا 31 ساۋدا نىسانى قاتىسىپ، «Bereke Fest» اكسياسى بويىنشا 5-25 پايىز، ال «Republic Day» اكسياسى اياسىندا 10-50 پايىز ارالىعىندا جەڭىلدىكتەر ۇسىنىلىپ وتىر. بۇل تۇرعىندارعا كۇندەلىكتى قاجەتتى تاۋارلاردى ءتيىمدى باعامەن ساتىپ الۋعا، وتباسىلىق شىعىنداردى ۇنەمدەۋگە جانە ساۋدا جاساۋ كەزىندە قوسىمشا مۇمكىندىكتەردى پايدالانۋعا جول اشادى.
رەسپۋبليكالىق اكسيالار اياسىندا ساۋدا نىساندارىندا جەڭىلدىكتەر ۇسىنۋمەن قاتار، مەرەكەلىك مادەني- تانىمدىق ءىس- شارالار دا ۇيىمداستىرىلعان. اتاپ ايتقاندا، مەرەكەلىك كونتسەرتتىك باعدارلامالار، پاتريوتتىق اندەر، ءتۇرلى بايقاۋلار، ۇلتتىق سپورت تۇرلەرىنەن جارىستار، تاۋار وندىرۋشىلەردىڭ كورمەلەرى جانە ۇلتتىق قۇندىلىقتاردى دارىپتەۋگە باعىتتالعان مادەني ءىس-شارالار وتكىزىلىپ جاتىر. بۇل باستامالار تۇرعىندار مەن قالا قوناقتارىنا كوتەرىڭكى كوڭىل كۇي سىيلاپ، مەرەكەلىك ورتانىڭ قالىپتاسۋىنا ىقپال ەتىپ وتىر. وسى ارقىلى وڭىردە تۇتىنۋشىلار مەن كاسىپكەرلەر ءۇشىن ءوزارا ءتيىمدى مۇمكىندىكتەر قالىپتاسىپ، رەسپۋبليكالىق باستامالاردىڭ الەۋمەتتىك-ەكونوميكالىق ماڭىزى ارتا تۇسۋدە.
«Republic Day» جانە «Bereke Fest» رەسپۋبليكالىق اكسيالارى تۇرعىندارعا ءتيىمدى باعادا ساۋدا جاساۋعا مۇمكىندىك بەرىپ قانا قويماي، رەسپۋبليكا كۇنى مەرەكەسىنىڭ ماڭىزىن ايشىقتاپ، ۇلتتىق قۇندىلىقتاردى دارىپتەۋگە جانە ەل بىرلىگىن نىعايتۋعا ۇلەس قوسىپ جاتىر.
ايتا كەتەيىك، «Republic Day» اكسياسىنا 23 ساۋدا وبەكتىسى (2 ساۋدا-ويىن-ساۋىق ورتالىعى جانە 21 ساۋدا ءۇيى مەن ساۋدا ورتالىعى) قاتىسادى:
قىزىلوردا قالاسىنداعى «Aray City Mall»، «جىبەك جولى» ساۋدا- ويىن-ساۋىق ورتالىقتارى، «بايۇزاق پلازا»، «اعجان»، «Aizada Plaza» ،«ADS Plaza»، «وتىرار»، «ايتبەك»، «Modnica» ،«Luxury Mall»، «مودنىي راي»، «فريستايل» جانە «ءداستۇر» ساۋدا ۇيلەرى مەن ساۋدا ورتالىقتارى قاتىسسا، اۋدانداردان سىرداريا اۋدانىنداعى «اقتىلەك» جانە «اينۇر»، جاڭاقورعان اۋدانىنداعى «قارابۋرا» جانە «بەرەكە»، قازالى اۋدانىنداعى «MARLEN»، قارماقشى اۋدانىنداعى «ادينا» جانە «بوتاكوز»، شيەلى اۋدانىنداعى «پلانەتا» جانە «Bereke Mega»، جالاعاش اۋدانىنداعى «امينوك» ساۋدا نىساندارى قاتىسىپ جاتىر.
«Bereke Fest» اكسياسىنا 8 ساۋدا جەلىسى قاتىسىپ جاتىر:
قىزىلوردا قالاسىنداعى «Magnum» ،«Small»، « قىزىلوردا وپتوماركەت»، «رادۋگا»، «انۆار» جان «Azhar City» ساۋدا جەلىلەرىندە، سونداي-اق ارال اۋدانىنداعى «سىمبات» جانە «Green» ساۋدا جەلىلەرىندە وتكىزىلۋدە.
اۆتور
اينۇر تۋماكبايەۆا