رەسپۋبليكا كۇنىندە 200 دەن استام وسكەمەندىك قازاقستان تاۋىنا جۇگىرىپ شىقتى

وسكەمەندە رەسپۋبليكا كۇنىنە وراي Oskemen Run 2023 سايىسى وتكىزىلدى. وعان 18-60 جاس ارالىعىنداعى 200 دەن استام ادام قاتىستى، دەپ حابارلايدى Kazinform.

سايىسقا قاتىسۋعا نيەت بىلدىرگەندەر قالاداعى كراسين كەنتى ارقىلى قازاقستان تاۋىنىڭ ەتەگىنە جينالدى.

ودان تومەنىرەكتە كەلۋشىلەر ءۇشىن پالاۋ مەن ىستىق شاي ۇسىنىلعان. شارانىڭ ۇيىمداستىرىلۋىنا قالا اكىمدىگى مۇرىندىق بولىپ وتىر.

اۋەلى جينالعان جۇرت ءۇشىن كاسىبي سپورتشىلار دەنە قىزدىرۋ جاتتىعۋىن وتكىزدى.

كوپشىلىك الدىنا شىعىپ، تاجىريبەسىن بولىسكەندەردىڭ اراسىندا اۋىر اتلەتيكادان ريو وليمپياداسىنىڭ قولا جۇلدەگەرى دەنيس ۋلانوۆ، پاۋەرليفتينگتەن وبلىس چەمپيوناتىنىڭ جۇلدەگەرى انگەلينا ۋستينوۆيچ، كوركەم گيمناستيكادان حالىقارالىق دارەجەدەگى سپورت شەبەرى، ازيا چەمپيونى رەناتا جولدينوۆا جانە 200 مەترگە كانوەەدە ەسۋدە ازيا ويىندارىنىڭ كۇمىس جۇلدەگەرى مارگاريتا تورلوپوۆا بولدى.

جارىسقا بارلىعى 200 دەن استام ادام قاتىستى.

Фото: Фото: Талғатжан Мұхаметбекұлы/Kazinform

ونىڭ ىشىندە رەسپۋبليكالىق، حالىقارالىق باسەكەلەردە جۇلدەلى ورىن الىپ جۇرگەندەرى دە بار.

— وسى سايىستى ءداستۇرلى تۇردە وتكىزىپ وتىرۋ جوسپاردا بار. بيىل العاش رەت قولعا الىندى. ەڭ باستىسى، ەشكىم جاراقات الماي، بيىكتى ويداعىداي باعىندىرسا دەيمىز. سپورتتى جانىنا سەرىك ەتكەندەر ءۇشىن وسىنداي شارالار ءالى دە كوپتەپ ۇيىمداستىرىلادى، — دەدى قالا اكىمى جاقسىلىق ومار.

سايىس قورىتىندىسى تومەندەگىدەي بولدى:

Фото: Фото: Талғатжан Мұхаметбекұлы/Kazinform

1-ورىن — ايان قاسىموۆ (تاۋعا 6 مينۋت 8 سەكۋندتا جۇگىرىپ شىقتى)

2-ورىن — فەدور سۋحونوسوۆ (6.17)

3-ورىن — دانيل كۋزنەتسوۆ (6.20)

قىزدار:

1-ورىن — انگەلينا كۋزمينا (7.52)

2-ورىن — لاريسا پەريەۆەرزيەۆا (8.15)

3-ورىن — ەۆگەنيا زاۆيالوۆا (8.21)

جەڭىمپازدار مەن جۇلدەگەرلەر باعالى سىيلىقتارمەن ماراپاتتالدى.