رەسپۋبليكا كۇنى قوعامدىق ءتارتىپتى قانشا مىڭ پوليتسيا كۇزەتەدى

25- قازاندا ەلىمىزدە پوليتسيا كۇشەيتىلگەن رەجيمدە جۇمىس ىستەيدى. قوعامدىق ءتارتىپتى قامتاماسىز ەتۋگە 20 مىڭ پوليتسەي مەن ۇلتتىق ۇلاننىڭ كۇشى تارتىلادى.

بۇل تۋرالى ءى ءى م اكىمشىلىك پوليتسيا كوميتەتى ەرەكشە تاپسىرمالار جونىندەگى اعا ينسپەكتورى ايدىن ورازبايەۆ ايتتى، - دەپ حابارلايدى Massaget.kz ءتىلشىسى.

«24-26- قازان ارالىعىندا بارلىق جەكە قۇرام كۇشەيتىلگەن رەجيمدە جۇمىس ىستەيدى. اكىمدىكتەرمەن بىرلەسىپ، مادەني بۇقارالىق ءىس-شارالار وتەتىن ورىندار بەلگىلەندى. قۇقىقتىق ءتارتىپتى قامتاماسىز ەتىلەتىن كۇشتەر مەن قۇرالداردىڭ ەسەبى دايىندالدى. وسى كۇندەرى قوعامدىق ءتارتىپتى ساقتاۋعا تارتىلاتىن پوليتسيا قىزمەتكەرلەرى مەن ۇلتتىق ۇلان اسكەري قىزمەتشىلەرىنىڭ سانىن 20 مىڭعا دەيىن كوبەيتۋ كوزدەلگەن.

پوليتسيا جاساقتارى جۇرت كوپ جيىلاتىن جانە دەمالاتىن ورىندارعا جاقىنداتىلادى»، - دەدى ءى ءى م وكىلى.

ايدىن ورازبايەۆتىڭ ايۋتىنشا، بۇل ورىندار جەدەل باقىلاۋ ورتالىقتارىنىڭ بەينەكامەرالارىمەن ۆيزۋالدى باقىلاۋعا الىنادى.

«احۋالدى باقىلاۋ ءۇشىن مينيسترلىكتە جەدەل شتاب جۇمىس ىستەيدى. بۇعان ۇقساس شتابتار بارلىق وڭىردە اشىلادى. جالپى مينيسترلىك «رەسپۋبليكا كۇنى» ازاماتتاردىڭ قاۋىپسىزدىگى مەن ءتارتىپتى قامتاماسىز ەتۋگە بار كۇشىن سالادى»، - دەدى ول.