رەسپۋبليكا كۇنى: 68 پەداگوگ مەملەكەتتىك ناگرادامەن ماراپاتتالدى
بۇگىن استانادا رەسپۋبليكا كۇنى قارساڭىندا ەلىمىزدىڭ تۇكپىر-تۇكپىرىنەن كەلگەن ۇستازدار مەملەكەتتىك ناگراداعا يە بولدى، دەپ حابارلايدى Kazinform.
«25- قازان - تاريحي داتا. وسى كۇنى ەلىمىزدىڭ ەگەمەندىگى جاريالاندى. ەلىمىز تاۋەلسىز مەملەكەتتىڭ قالىپتاسۋى مەن دامۋىنىڭ ءارتۇرلى كەزەڭىن ەڭسەردى. مۇنىڭ ءبارى ازاماتتارىمىزدىڭ، ونىڭ ىشىندە وتاندىق ءبىلىم بەرۋ جۇيەسىنىڭ دامۋىنا ۇلەس قوساتىن پەداگوگتاردىڭ، وقۋشىلار مەن ستۋدەنتتەردىڭ جەتىستىكتەرىمەن دە تىعىز بايلانىستى. بيىل ءبىزدىڭ بالالار ءتۇرلى حالىقارالىق وليمپيادالاردا 241 مەدال جەڭىپ الدى، 23 وقۋشى الەمدەگى ەڭ بەدەلدى جەتى وليمپيادانىڭ ۇزدىكتەرىنىڭ قاتارىنا ىلىكتى. العاش رەت قازاقستان قۇراماسى EuroSkills تە 2 مەدال جانە 4 ۇزدىك مەدالون جەڭىپ الدى. ءبىزدىڭ جىگىتتەر جىلدان-جىلعا ەڭ بيىك حالىقارالىق ارەنالاردا ەلىمىزدىڭ تۋىن كوتەرۋدى جالعاستىرا بەرەدى»، - دەدى وقۋ-اعارتۋ ءمينيسترى عاني بەيسەمبايەۆ سالتاناتتى شارادا.
پەداگوگتار «پاراسات»، «قۇرمەت» وردەنىن، «ەرەن ەڭبەگى ءۇشىن»، «ەڭبەك ارداگەرى»، ىبىراي التىنسارين، «ءبىلىم بەرۋ ءىسىنىڭ قۇرمەتتى قىزمەتكەرى» مەدالىن جانە ءمينيستردىڭ اتىنان قۇرمەت گراموتاسىن جانە العىس حات الدى.
ودان بولەك، «وقۋ-اعارتۋ مينيسترلىگىنىڭ ەڭبەك سىڭىرگەن قىزمەتكەرى» ديپلومى تابىس ەتىلدى.
سالتاناتتى شارانىڭ سوڭى مەرەكەلىك كونسەرتكە ۇلاستى.