رەسپۋبليكا جولدارىنداعى 31-ناۋرىزدا احۋال قانداي

الماتى. KAZINFORM - «قازاۆتوجول» ۇلتتىق كومپانياسى ەلدەگى جولداردىڭ قازىرگى احۋالى تۋرالى حابارلادى.

2026 -جىلعى 31-ناۋرىز ساعات 08:00-دەگى جاعداي بويىنشا، شىعىس قازاقستان وبلىسىندا رەسپۋبليكالىق ماڭىزى بار «وسكەمەن - التاي - ۇلكەن نارىن - كاتونقاراعاي - راحمان قاينارى» اۆتوجولىنىڭ 46-66-شاقىرىم ارالىعىندا (وسينوۆ اسۋى) بارلىق كولىك ءتۇرى ءۇشىن قوزعالىس اشىلدى.

ال كەلەسى اۆتوجولداردا قوزعالىس شەكتەلدى:

سولتۇستىك قازاقستان وبلىسى

• «تيميريازيەۆو - سارىكول - قوستاناي وبلىسىنىڭ شەكاراسى» اۆتوجولى، 0-30-شاقىرىم (تيميريازيەۆو اۋىلى - قوستاناي وبلىسىنىڭ شەكاراسى ارالىعى).

پاۆلودار وبلىسى

• «استانا - شىدەرتى - پاۆلودار - ۋسپەنكا – ر ف شەكاراسى» اۆتوجولى (قالقامان جول ايرىعىنان قالقامان كەنتىنە كىرۋ جانە استاناعا شىعۋ).

قوستاناي وبلىسى

• سۋ تاسۋىنا (ەنى - 70 م، بيىكتىگى - 20 س م) جانە رەسەيدەگى جولداردىڭ جابىلۋىنا بايلانىستى «مارينوۆكا اۋىلىنا كىرەبەرىس» اۆتوجولىنىڭ 0-9-شاقىرىم ارالىعىندا ۋچاسكەسىندە كولىكتىڭ بارلىق ءتۇرى ءۇشىن قوزعالىس شەكتەلدى.

ەسكە سالايىق، سينوپتيكتەر 31-ناۋرىزدا قازاقستاننىڭ 14 وڭىرىندە قولايسىز اۋا رايىنا بايلانىستى ەسكەرتۋ جاساعان ەدى.